Fleiri lögreglumenn falla fyrir eigin hendi en við skyldustörf en stjórnvöld virðast standa ráðþrota frammi fyrir vandanum. Stéttarfélög lögreglumenn segja að lögreglumenn þurfi meiri stuðning og vernd og þeir krefjast aðgerða til að hægt sé að leysa þetta vandamál.
Þeir sem hafa tekið líf sín eru á öllum aldri og allsstaðar að úr landinu, margir þeirra með lítil börn. Franska þingið lét nýlega gera rannsókn á ástæðum þess álags og örvæntingar sem hrjáir marga franska lögreglumenn. Meðal niðurstaðna var að mikil yfirvinna í kjölfar hryðjuverkaárása, sem hófust í janúar 2015, og vikuleg og oft ofbeldisfull mótmæli gegn stjórnvöldum frá því í nóvember eigi hér stóran hlut að máli ásamt fleiri þáttum.
Denis Jacob, formaður CFDT sem er stéttarfélag lögreglumanna, segir að eins og staðan sé í dag stefni í að árið í ár verði það versta hvað varðar sjálfsvíg lögreglumann í 30 ár.
Í skýrslu, sem var lögð fyrir franski þingið á síðasta ári, kom fram að sjálfsvígstíðnin meðal lögreglumanna væri 36% hærri en sjálfsvígstíðni meðal annarra þjóðfélagshópa.
