Elon Musk, stofnandi Space-X geimferðafyrirtækisins, segir að hér á jörðinni sé enginn varnarbúnaður gegn loftsteinum sem geta nánast valdið heimsendi. Þessi ummæli lét hann falla á Twitter eftir að vinur hans Joe Rogan dreifði frétt úr bresku dagblaði um að bandaríska geimferðastofnunin NASA sé að undirbúa sig undir komu loftsteinsins Apophis en nafnið er sótt til samnefnds guðs sem var „guð ringulreiðar“.

„Frábært nafn! Myndi ekki hafa áhyggjur af þessum en stór loftsteinn mun á endanum lenda á jörðinni og eins og eru erum við ekki með neinar varnir.“

Aphphis er þó enginn smásmíði því hann er 340 í þvermál og fer ansi nærri jörðinni, svo nærri að NASA taldi eitt sinn að hann myndi lenda í árekstri við hana. En sem betur fer fyrir okkur sýndu nákvæmari útreikningar að han hann fer rétt framhjá okkur eða í um 30.000 km fjarlægð. Þetta mun gerast þann 13. apríl 2029. Þá mun vísindamönnum gefast einstakt tækifæri til að fylgjast með loftsteininum og jafnvel sjá yfirborð hans vel með ratsjám. Ef Apophis myndi lenda í árekstri við jörðina gætu milljónir manna farist og gígur, sem væri um 5 km að þvermáli, myndi myndast. En sem tegund myndum við væntanlega lifa þetta af.