Hún leitaði sér upplýsinga á netinu um hvernig ætti að sjóða egg í örbylgjuofni og horfði á nokkur myndbönd á YouTube um þetta. Hún fór síðan eftir leiðbeiningum, sem hún fann á netinu, um hvernig eigi að sjóða egg í örbylgjuofni. Þar kom fram að það væri ekkert mál svo lengi sem salt væri sett í vatnið. Hún sauð eggin því í sex mínútur á 900 vöttum. Samkvæmt leiðbeiningunum átti að sjóða þau í sex til átta mínútur en hún lét sex mínútur duga.
Eggin litu vel út þegar hún tók þau út úr ofninum. Hún beygði sig niður að bollanum til gá hvort þau væru tilbúin og þá sprungu þau bæði beint í andlitið á henni. Hún hringdi strax eftir aðstoð og hélt andlitinu undir rennandi köldu vatni á meðan hún beið eftir sjúkrabíl.
Áður en sjúkrabíllinn kom á vettvang var húð á andliti hennar farin að detta af. Bethany var strax flutt á sjúkrahús í Birmingham. Læknar segja að hún muni ekki hljóta varanleg ör af þessu en húðin muni verða mislit og sködduð um hríð og að hún muni hugsanlega missa sjónina á öðru auga.