Mette Thiesen, einn fjögurra þingmanna Nye Borgerlige, segir að þrátt fyrir að fólk hafi búið í tíu ár í Danmörku, sé ekki á sakaskrá og hafi vinnu eigi það ekki að geta fengið danskan ríkisborgararétt ef það er frá múslímsku landi.

Þetta skrifaði hún á Facebook á fimmtudaginn. Hún sagði að þingmenn Nye Borgerlige muni greiða atkvæði gegn veitingu ríkisborgararéttar til fólks sem kemur frá múslímskum löndum. Á síðasta ári gaf hún svipaðar skoðanir sínar í skyn en þá var hún aðeins hógværari og sagði að þetta ætti bara að eiga við um „trúaða múslima“. Formaður flokksins, Pernille Vermund, sagði þá að þetta ætti að eiga við um alla múslima.

https://www.facebook.com/mette.thiesen/posts/2473399702749406

Nye Borgerlige buðu í fyrsta sinn fram til þings í þegar kosið var í júní og fengu fjóra þingmenn kjörna. Flokkurinn er sá flokkur sem er lengst til hægri af þeim flokkum sem eiga sæti á þingi.

Berlingske hefur eftir henni þetta þurfi að gera þar sem múslimar gerist svo oft sekir um afbrot og fremji hlutfallslega fleiri afbrot en aðrir þjóðfélagshópar. Það sé engin ástæða til að veita þeim danskan ríkisborgararétt.