Þegar eftirlaunaþeginn Emil Knodell fór á flóamarkað nærri heimili sínu í Bandaríkjunum fann hann kommóðu sem honum leist vel á. Hún reyndist vera 125 ára gömul og í góðu standi. Hann borgaði 100 dollara fyrir hana og fór heim með hana en ætlunin var að koma henni fyrir í borðstofunni.

Vinur hans, Jeff Allen, hjálpaði honum með að koma kommóðunni heim. Þegar þeir settu hana í farangursrýmið heyrðu þeir undarlegt hljóð berast frá henni. Þeir tóku hana aftur út til að kanna hvað gæti orsakað þetta.

Við nánari hlustun heyrðu þeir að það var eins og eitthvað væri í henni. Þeir skoðuðu hana því vel og fundu leynihóf. Í því var mikið af hringum, demöntum, gulli og fleiru. Í samtali við ABC News sagði Jeff að þetta hafi svo sannarlega komið adrenalíninu af stað í þeim.

Emil hafði keypt kommóðuna en hann ákvað strax að skila því sem í henni var. Félagarnir gengu því aftur að húsinu og létu húsráðandann fá allt það sem hafði verið í henni.

„Ég keypti kommóðuna en ég keypti ekki þessa hluti. Ef ég hefði haldið þeim hefði það verið rangt, það hefði verið meiri byrði en ánægja. Ég er gamall hermaður og reyni bara að gera það sem er rétt.“