fbpx
Mánudagur 16.september 2019  |
Pressan

Einn þekktasti svindlari íþróttasögunnar er látinn

Ritstjórn Pressunnar
Laugardaginn 17. ágúst 2019 09:30

Ekki missa af Helstu tíðindum dagsins í pósthólfið þitt

Lesa nánar

Rosie Ruiz, sem varð heimsþekkt á einni nóttu árið 1980, er látin, 66 ára að aldri. Rosie komst í heimsfréttirnar eftir frækinn sigur í Boston-maraþoninu árið 1980 en síðar kom í ljós að maðkur var í mysunni.

Rosie kom í mark á 2 klukkustundum, 31 mínútu og 56 sekúndum sem þá var besti tími sem kona hafði hlaupið í þessu vinsæla maraþoni. Sigurinn kom mörgum í opna skjöldu enda var Rosie ekki beint þekkt í hlaupaheiminum.

Á þessum árum voru engir tölvukubbar sem gátu skráð tíma hlaupara með nákvæmum hætti eins og tíðkast í dag. Þess í stað þurftu skipuleggjendur hlaupa að treysta á heiðarleika hlaupara og fá sjálfboðaliða til að skrá niður hlaupanúmer þeirra með reglubundnum hætti.

Hlaupanúmer Ruiz kom hvergi við sögu og þá sást hún ekki á neinni þeirra þúsunda ljósmynda sem teknar voru á fyrstu 40 kílómetrum hlaupaleiðarinnar. Síðar stigu tveir nemendur úr Harvard fram og sögðust hafa séð hana lauma sér inn á hlaupabrautina þegar skammt var eftir af hlaupinu. Átta dögum síðar var hún svipt titlinum. Síðar kom í ljós að árið áður hafði hún einnig svindlað í New York-maraþoninu en tíminn hennar í því hlaupi tryggði henni keppnisrétt í Boston-maraþoninu.

Ruiz hélt áfram sakleysi sínu og sagðist hún hafa unnið hlaupið á heiðarlegan hátt.

Rosie lést í Flórída þann 8. ágúst síðastliðinn. Banamein hennar var krabbamein.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fyrir 2 dögum

Rigningin hefur haft sitt að segja

Rigningin hefur haft sitt að segja
Pressan
Fyrir 2 dögum

Viðskiptastríð Bandaríkjanna og Kína hefur mikil áhrif

Viðskiptastríð Bandaríkjanna og Kína hefur mikil áhrif
Pressan
Fyrir 3 dögum

Maria lést í umferðarslysi – Faðir hennar kom fyrstur á vettvang sem sjúkraflutningamaður

Maria lést í umferðarslysi – Faðir hennar kom fyrstur á vettvang sem sjúkraflutningamaður
Pressan
Fyrir 3 dögum

Drepin af hundum sínum

Drepin af hundum sínum
Pressan
Fyrir 3 dögum

Fékk skelfilegar fréttir þegar hann vaknaði eftir slysið – Ekki keyra undir áhrifum

Fékk skelfilegar fréttir þegar hann vaknaði eftir slysið – Ekki keyra undir áhrifum
Pressan
Fyrir 3 dögum

Gengur illa að leigja nýjar íbúðir út – Bjóða ókeypis leigu fyrstu þrjá mánuðina

Gengur illa að leigja nýjar íbúðir út – Bjóða ókeypis leigu fyrstu þrjá mánuðina