Sundferðin átti sér stað í Wilmington í Norður Karólínu, þegar um fimmtán mínútur voru liðnar frá sundferðinni fékk einn hundanna krampakast. Melissa Martin var fljót til og fór með hundana til dýralæknis. Við komuna til dýralæknisins fékk annar hundur krampakast.
Stuttu síðar fékk þriðji hundurinn krampakast og sýndi merki þess að lifrin væri að gefa sig. Nokkrum klukkustundum síðar, um miðnætti, voru allir hundarnir dauðir.
Samkvæmt dýralækninum voru það eitraðir, blágrænir þörungar í vatninu sem orsökuðu dauða hundanna.
Eftir dauða hundanna skrifaði Melissa Martin færslu á Facebook sem hefur verið deilt um 20.000 sinnum. Í færslunni segir hún frá því að þau muni nú vinna að því að sett verði upp aðvörunarskilti, alls staðar þar sem þessir þörungar finnast.
Melissa sagði dýralækninum að hún hefði ekki séð neina þörunga í vatninu, en vinsæll stígur liggur meðfram því. Dýralæknirinn útskýrði fyrir henni að það sem leit út eins og blóm í vatninu hafi í raun verið blómstrandi bláþörungar.