Í yfirlýsingu frá honum segir að allir hafi séð dæmi um að nauðgarar og morðingjar hafi sloppið alltof fljótt úr fangelsi eða að fólk hafi brotið af sér á nýjan leik um leið og það losnaði úr fangelsi. Nú verði þetta stoppað. Það eigi að handtaka þetta fólk, loka það inni og endurhæfa almennilega.
Johnson hefur á stefnuskrá sinni að efla ýmislegt innanlands, þar á meðal hefur hann heitið að fjölga lögreglumönnum um 20.000. Á sunnudaginn tilkynnti hann að fangelsisplássum verði fjölgað um 10.000 og að lögreglan muni fá auknar heimildir til að stöðva fólk og leita á því.