fbpx
Föstudagur 18.október 2019  |
Pressan

Unglingarnir gáfu piltinum eiturlyf: Hlógu svo þegar hann tók of stóran skammt

Ritstjórn Pressunnar
Mánudaginn 12. ágúst 2019 09:22

Ekki missa af Helstu tíðindum dagsins í pósthólfið þitt

Lesa nánar

Sorglegt atvik átti sér stað í Bresku Kólumbíu í suðvesturhluta Kanada á dögunum þegar fjórtán ára piltur fannst meðvitundarlaus í almenningsgarði. Pilturinn, Carson Crimeni, var fluttur á sjúkrahús þar sem hann var úrskurðaður látinn skömmu eftir komuna þangað.

Við rannsókn lögreglu á málinu hefur margt óhugnanlegt komið upp úr krafsinu. Þannig er talið að hópur eldri unglinga hafi gefið Carson eiturlyf sem urðu honum að aldurtila. Þá hefur lögregla til rannsóknar myndbönd sem tekin voru um það leyti sem Carson missti meðvitund vegna lyfjaneyslunnar. Myndböndin fóru í dreifingu á samfélagsmiðlum.

Það var á miðvikudagskvöld í síðustu viku að Carson fannst meðvitundarlaus á hjólabrettasvæði. Afi piltsins hafði reynt að hringja í hann fyrr um kvöldið en án árangurs. Hann fór því út að leita að honum og kom að honum í fyrrnefndum garði. Í samtali við CBC segir afinn, Darrel Crimeni, að hann hafi séð eitt myndbandanna. Hópurinn hafi hlegið að Carson þegar augljóst var að hann væri mjög veikur.

Faðir Carson, Aron Crimeni, segir að pilturinn hafi verið glaðvær og ósköp venjulegur unglingur sem hafi haft gaman af íshokkí og tölvuleikjum. Hann hafi þó átt í ákveðnum félagslegum erfiðleikum sem urðu til þess að hann fór að umgangast eldri unglinga. „Hann hélt að þeir væru vinir sínir. Hann treysti þeim og reyndi að falla í hópinn,“ segir hann.

Lögregla fer með rannsókn málsins og beinist rannsóknin meðal annars að því hver útvegaði umrædd eiturlyf og hverjir voru viðstaddir þennan sorglega atburð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Myrk framtíðarsýn forsetaframbjóðanda Bandaríkjanna: „Það eru ekki ýkjur að segja að konur muni deyja“

Myrk framtíðarsýn forsetaframbjóðanda Bandaríkjanna: „Það eru ekki ýkjur að segja að konur muni deyja“
Pressan
Fyrir 2 dögum

Sláandi niðurstöður nýrrar rannsóknar – Mengun veldur minnistapi

Sláandi niðurstöður nýrrar rannsóknar – Mengun veldur minnistapi
Pressan
Fyrir 3 dögum

Flugvallarstarfsmenn trúðu ekki eigin augum þegar þeir sáu vegabréfið hans

Flugvallarstarfsmenn trúðu ekki eigin augum þegar þeir sáu vegabréfið hans
Pressan
Fyrir 3 dögum

Mörg hundruð sviptir ökuréttindum eftir að hafa verið ölvaðir á rafmagnshlaupahjólum

Mörg hundruð sviptir ökuréttindum eftir að hafa verið ölvaðir á rafmagnshlaupahjólum
Pressan
Fyrir 4 dögum

Maðurinn ætlaði að jarða nýfædda dóttur sína – Fann svolítið óhugnalegt á grafreitnum

Maðurinn ætlaði að jarða nýfædda dóttur sína – Fann svolítið óhugnalegt á grafreitnum
Pressan
Fyrir 4 dögum

Dómari skaut sig fyrir framan fullsetinn réttarsal til að mótmæla pólitískum þrýstingi

Dómari skaut sig fyrir framan fullsetinn réttarsal til að mótmæla pólitískum þrýstingi