Bresk kona, sem var ættleidd, heldur því fram að faðir hennar hafi nauðgað móður hennar á áttunda áratugnum þegar hún var á skólaaldri. Konan vill láta gera DNA-rannsókn svo hún geti sótt föður sinn til saka.

Konan segir að fæðing hennar sanni að móður hennar hafi verið nauðgað og vonast til að DNA-rannsókn staðfesti þetta. Lögreglan segir hins vegar að vandinn í þessu máli sé að samkvæmt lögum sé konan ekki þolandi í málinu. Af þessum sökum muni hvorki lögreglan né ákæruvaldið aðstoða konuna.

Í samtali við BBC sagði konan að hún hafi áttað sig á að móðir hennar hafi verið fórnarlamb nauðgunar þegar hún skoðaðið ættleiðingarskjöl sín. Þar komi fram að móðir hennar hafi verið að gæta barna heima hjá ofbeldismanninum og þar hafi hann nauðgað henni. Þetta komi ítrekað fram í skjölunum. Í þeim komi nafn mannsins fram, heimilisfang og fleira og að félagsþjónustan og lögreglan hafi vitað af þessu.