Ísraelskt geimfar brotlenti á tunglinu í apríl, um borð voru þúsundir lífvera, svokallaðir vatnsbirnir sem eru bessadýr. Frá þessu greinir New York Post.
Vatnsbirnirnir eru um það bil millimetra langir, eru með átta fætur með klóm og eru þar að auki með heila.
Það sem er þó hvað merkilegast við þessi dýr er að þau eru næstum því ódauðleg. Vatnsbirnirnir þola gríðarlega geislavirkni, svakalegan hita, kulda og geta lifað án matar í marga áratugi.
Nova Spivack, meðstofnandi fyrirtækisins sem sendi farið út í geim segir afar líklegt að verurnar séu á lífi.
„Við trúum því að lífslíkur bessadýranna séu afar miklar,“ segir Spivack sem þykir þó ólíklegt að þær muni geta fjölgað sér á tunglinu.
„Ef þeim verður ekki of heitt þá gætu þeir lifað í langan tíma, mörg ár,“
Þó svo að verurnar séu frá jörðinni, þá er ábyggilega hægt að segja að í dag séu lifandi verur á öðrum hnöttum en jörðinni.