Matthew ákvað að fara með hana á læknavaktina. Þegar þangað var komið sáu læknar fljótt að Marie var með blóðeitrun og að ástand hennar versnaði hratt. Ástand hennar var svo slæmt að læknarnir neyddust til að svæfa hana og halda henni sofandi. Síðan neyddust þeir til að taka fæturna af henni og meirihlutann af báðum handleggjum.
Gina Premier, stjúpdóttir Marie, sagði í samtali við Fox 8 Cleveland að ef læknar hefðu ekki aflimað Marie hefði hún látist innan skamms tíma.
Henni var haldið sofandi í 10 daga en á þeim dögum gekkst hún undir átta aðgerðir. Hún fékk ekki að fara heim af sjúkrahúsinu fyrr en eftir 80 daga.
Eins og gefur að skilja var það mikið áfall fyrir Marie þegar henni var sagt að læknar hefðu þurft að taka fótleggi og handleggi af henni.
„Ég meina, hvað gerir maður? Þetta er mjög erfitt að skilja.“
Sagði hún sjálf um þetta.
Læknar telja að hún hafi sýkst af bakteríu sem heitir capncytohphaga þegar hundarnir sleiktu sár sem hún var með á öðrum handleggnum. Þessi baktería er algeng í slefi hunda. Hún getur valdið alvarlegum sjúkdómum hjá fólki en það er mjög sjaldgæft að það gerist. Fólk getur komist margoft í snertingu við þessa bakteríu árum saman án þess að nokkuð gerist. Að veikindi á borð við veikindi Marie verði gerist bara í einu af hverju milljón skiptum.
Marie og Matthew hafa hrundið fjársöfnun af stað á Gofundme til að safna fyrir frekari læknismeðferðum fyrir hana og gervilimum.