Föstudagur 06.desember 2019
Pressan

Vaxandi spenna milli Bandaríkjanna og Írans – Brýst út styrjöld?

Ritstjórn Pressunnar
Fimmtudaginn 20. júní 2019 11:09

Ekki missa af Helstu tíðindum dagsins í pósthólfið þitt

Lesa nánar

Bandarísk yfirvöld hafa staðfest að njósnadróni á vegum hersins hafi verið skotinn niður í alþjóðlegri lofthelgi undan ströndum Írans í morgun. Írönsk yfirvöld fullyrða þó að dróninn hafi verið í íranskri lofthelgi og því haft fullan rétt á að granda honum. Dróninn sem um ræðir er mjög fullkominn og er hann metinn á 180 milljónir dala.

Samskipti Bandaríkjanna og Írans hafa verið mjög stirð að undanförnu. Hossein Salami, hershöfðingi íranska byltingarvarðliðsins, varaði Bandaríkjamenn við í morgun þegar hann sagði að Íranar væru „tilbúnir í stríð“ þó það væri ekki ætlun þeirra að hefja það. Fyrir mánuði síðan sagðist Salami ekki hafa trú á því að Bandaríkjamenn byggju yfir nægilegum herstyrk til að fara í stríð við Íran.

Spennuna milli Írans og Bandaríkjanna að undanförnu má rekja til þeirrar ákvörðunar Írana að draga sig út úr alþjóðlegu samkomulagi um kjarnorkuvopn landsins. Þá hafa Íranar verið óhressir við veru bandarískra hersveita í Persaflóa undanfarnar vikur. Í síðustu viku voru gerðar árásir á tvö olíuflutningaskip í Ómanflóa og bendir flest til þess að þar hafi Íranar verið að verki. Því hafa yfirvöld í Tehran neitað og reynt að varpa sökinni á Bandaríkin.

Yfirvöld í Tehran staðfestu í morgun að þau hefðu skotið niður drónann, RQ-4 Global Hawk, úti fyrir ströndum Hormozgan í suðurhluta landsins. Hann hefði verið innan íranskrar lofthelgi en Bandaríkjamenn þvertaka fyrir það og segja raunar að um hafi verið að ræða annars konar dróna, Navy MQ-4C Triton. Ekki er talið að dróni af þessari tegund hafi áður verið skotinn niður.

Óvíst er á þessari stundu hvort og þá hvernig Bandaríkjamenn munu svara fyrir sig en eðli málsins samkvæmt hefur alþjóðasamfélagið áhyggjur af því að stríð geti brotist út á milli þessara tveggja hernaðarvelda. Sarah Sanders, blaðamannafulltrúi Hvíta hússins, sagði í morgun að Donald Trump Bandaríkjaforseti hefði verið upplýstur um stöðu mála. Bandaríkjamenn myndu fylgjast með gangi mála og ráðfæra sig við bandaþjóðir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Sönnunargagn varð lögmanni að bana í réttarsal

Sönnunargagn varð lögmanni að bana í réttarsal
Pressan
Í gær

Er þetta ástæðan fyrir andfýlunni?

Er þetta ástæðan fyrir andfýlunni?
Pressan
Í gær

100 tonn af gulli flutt til Póllands með mikilli leynd

100 tonn af gulli flutt til Póllands með mikilli leynd
Pressan
Í gær

Sleppur við fangelsi eftir að hafa misnotað tvo nemendur sína kynferðislega – Bar við algjöru minnisleysi

Sleppur við fangelsi eftir að hafa misnotað tvo nemendur sína kynferðislega – Bar við algjöru minnisleysi
Pressan
Fyrir 2 dögum

Gríðarstór fíkniefnafundur spænsku lögreglunnar – 631 kíló af metamfetamíni

Gríðarstór fíkniefnafundur spænsku lögreglunnar – 631 kíló af metamfetamíni
Pressan
Fyrir 2 dögum

Skyndibitakeðja í mótvindi eftir að hafa rofið tengslin við íhaldssöm kristin samtök

Skyndibitakeðja í mótvindi eftir að hafa rofið tengslin við íhaldssöm kristin samtök
Pressan
Fyrir 2 dögum

Gamall kynsjúkdómur greinist hjá sífellt fleiri

Gamall kynsjúkdómur greinist hjá sífellt fleiri
Pressan
Fyrir 2 dögum

Norska krónprinsessan biðst afsökunar á tengslum sínum við dæmdan barnaníðing

Norska krónprinsessan biðst afsökunar á tengslum sínum við dæmdan barnaníðing