Aðfaranótt laugardags var lögreglunni í Tromsø í Noregi tilkynnt um hávær öskur frá herbergi á sjöttu hæð hótels í bænum. Það var næturvörðurinn sem heyrði öskrin og hafði áhyggjur af velferð gesta hótelsins. Lögreglan brást skjótt við og sendi lögreglumenn strax með forgangi á vettvang.

En engin hætta reyndist á ferð eða eins og lögreglan skrifaði síðan á Twitter:

„Þarna reyndist vera par að stunda kynlíf. Báðir aðilar virtust sáttir.“

Í samtali við TV2 sagði Eirik Kileng, talsmaður lögreglunnar, að talið hafi verið að verið væri að beita einhvern ofbeldi en svo hafi ekki verið.

„Ég veit ekki hver var vandræðalegastur.“

Sagði hann.