Edwin Guiao Ocampo, vöruhússtjóri hjá 7-Day stórmarkaðinum á eyjunni Guam, játaði fyrir dómi að hafa stolið söltuðu kjöti (corned beef) og niðursoðnum makríl að verðmæti 12.000 dollara úr vöruhúsinu en það svarar til um 1,5 milljóna íslenskra króna.
Hann gaf samstarfsmanni sínum hluta þýfisins en sá var einnig starfsmaður í vöruhúsinu en telst nú vera fyrrverandi starfsmaður þess. The Pacific Daily News segir að Ocampo hafi játað sök í málinu og gert samkomulag við saksóknara um að ef hann haldi sig á mottunni næstu árin verði málið tekið af sakaskrá hans.
Hann þarf að greiða verslunareigandanum 500 dollara í bætur og má ekki koma nærri honum eða versluninni næstu þrjú árin.