Það er stundum haft á orði að allt sé stærra í Bandaríkjunum en annarsstaðar. Það á vel við um innanlandsflug í þessu stóra landi en nú er hafið flug á lengstu innanlandsflugleið heims. Það tekur ellefu og hálfan tíma.

Independent skýrir frá þessu. Þessi langa flugleið er frá Boston í norðausturhluta landsins til Honolulu á Hawaii. Þetta er um 8.200 km flugleið.

Það er Hawaiian Airlines sem sinnir fluginu og notar  Airbus A330 vélar í það en þær taka 278 farþega.

Áður en flug á þessari leið hófst var lengsta innanlandsflugsleið heims á milli New York og Honolulu.