48 þingmenn breska Íhaldsflokksins hafa lýst yfir vantrausti á Theresa May, forsætisráðherra, og munu þingmenn flokksins greiða atkvæði um tillöguna síðdegis í dag.
BBC og fleiri breskir fjölmiðlar skýrðu frá þessu fyrir nokkrum mínútum. Mikil óánægja er innan raða þingmanna Íhaldsflokksins með hvernig May hefur haldið á spilunum varðandi Brexit en ljóst er að samningur hennar við ESB um útgönguna nýtur ekki meirihlutastuðnings á þingi.
Framtíð May er því að veði í atkvæðagreiðslunni í dag og Brexit er vægast sagt í lausu lofti og enginn sem veit hvernig útgangan mun fara fram.
