Í maí var 44 ára fjölskyldufaðir handtekinn í félagsheimili íþróttafélags í Næstved í Danmörku. Í íþróttahúsinu fann lögreglan 41,3 kg af amfetamíni. Maðurinn er fyrrum stjórnandi hjá félaginu. Maðurinn neitar sök en hann hefur setið í gæsluvarðhaldi síðan málið kom upp í maí.
Refsing við broti sem þessu getur verið allt að 16 ára fangelsi. Í farsíma mannsins fann lögreglan skilaboð sem benda til að hann hafi átt sér samverkamenn. Lögreglan hefur farið mjög leynt með málið en Sjællandske Medier komust nýlega á snoðir um það.