Frans Páfi sagði á fundi með yfir hundrað viðskiptamönnum í Vatíkaninu í dag að fólk yrði að vinna saman til að berjast gegn plastmengun í höfum heimsins. „Við getum ekki leyft heimshöfum okkar að fyllast endalausu fljótandi plasti. Hvert og eitt okkar verður að bera ábyrgð á framtíð plánetunnar okkar“ sagði Frans Páfi. Páfinn hefur undanfarin ár talað fyrir mikilvægi þess að þjóðir heimsins fari að huga að hugsa betur um umhverfið ásamt því að hafa lofað vísindamenn sem eru að berjast gegn hlýnun jarðar.

Samkvæmt tölum frá Sameinuðu Þjóðunum, áætla þær að um 8 milljónir tonna af plasti endi í höfum heimsins árlega. Tjónið af því er gífurlegt og deyja milljónir dýra vegna þess ásamt því að plastið fari inn í fæðukeðjuna og endar svo loks á matardiskunum okkar. Vísindamenn telja að um árið 2030 mun vera meira af plasti í höfunum heldur en af fiski.

Fiskimið okkar Íslendinga er engin undantekning fyrir þessum áhrifum og getur því plastmengun haft gífurleg áhrif á einn okkar stærsta útflutningsiðnað.