Á föstudaginn gerði lögreglan húsleit á heimili Travis Headrick, 47 ára, og Amy Headrick, 39 ára, í bænum Melvina í Wisconsin í Bandaríkjunum. Á heimilinu fundu lögreglumenn fjögur af fimm börnum þeirra geymd í búrum. Á heimilinu bjuggu hjónin ásamt fimm börnum sínum, þar af eru fjögur ættleidd.

Hjónin voru handtekin og komu fyrir dómara í gær. Þau eru meðal annars sökuð um að hafa stefnt heilsu barnanna í hættu, vanrækslu og ólöglega frelsissviptingu. Fram kom að ættleiddu börnin hafi alltaf fengið það sama að borða. Samloku með reyktu áleggi og osti í öll mál. Ekki kom fram hvað fimmta barnið fékk að borða.

Amy sagði fyrir dómi að börnin hafi verið geymd í búrum til að tryggja öryggi þeirra.

Réttarhöldum verður haldið áfram í næstu viku.