Samkvæmt nýrri rannsókn Eurostat á verði á áfengi í bæði ESB og EFTA löndunum er Ísland sá staður hvar áfengi er dýrast. Kom í ljós að verð á áfengi hér á landi er meira en tvöfalt meira en meðaltalsverðið í Evrópu. Meðaltalið er reiknað sem 100% í Evrópu, en Ísland mælist með 267.6.
Næst kemur Noregur með 252.2, en áfengisskattar eru afar háir þar líkt og hér á landi, en í fjárlögum Íslands fyrir árið 2020 er gert ráð fyrir skattahækkun á áfengi sem nemur 2.5 prósentum og tekur gildi um áramótin.
Þetta er í takt við fyrri kannanir, bæði á áfengi og annarri þjónustu hér á landi.
Sjá nánar: Reykjavík er næstdýrasta borg í Evrópu – Með dýrasta bjórinn og dýrustu söfnin
Sjá nánar: Gríðarlegur verðmunur á Reyka vodka á Íslandi og í Bandaríkjunum
Sjá nánar: Íslenskir bjórframleiðendur fullir gremju:„Mun flóknara að brugga góðan bjór en að búa til vín“
Samanburður við önnur lönd
Ísland sker sig nokkuð úr frá öðrum löndum sem við viljum bera okkur saman við, líkt á sjá má á töflunni hér að neðan en ódýrasta áfengið fæst í Norður Makedóníu og Bosníu.
Land Prósent af meðalverði í Evrópu
Ísland – 267.6
Noregur - 252.2
Svíþjóð - 152
Bretlandi - 129
Danmörk - 124
Þýskaland - 88.5
Spánn- 84
Norður-Makedónía og Bosnía - 72
