fbpx
Miðvikudagur 24.júlí 2019  |

DV - Frjáls og óháður miðill

Neytendur

Innkalla Bombay-gin í Kanada: Miklu sterkara en uppgefið er

Yfirvöld vara fólk við því að drekka áfengið sem reyndist 77% að styrkleika

Ritstjórn DV
Fimmtudaginn 4. maí 2017 10:33

Ekki missa af Helstu tíðindum dagsins í pósthólfið þitt

Lesa nánar

Áfengiseftirlitið í Ontario í Kanada hefur innkallað London Dry Gin frá Bombay Sapphire eftir að í ljós kom að áfengisstyrkur í sumum flöskum reyndist nær tvöfalt meiri en uppgefið er á flöskunni.

Yfirvöld vara fólk við því að drekka ginið eftir að áfengisstyrkur mældist allt að 77% ákveðnum flöskum. Uppgefinn styrkleiki þess er hins vegar 40%

Gallinn er rakinn til mistaka við framleiðslu þar sem svo virðist sem ein lögun af gininu hafi verið sett á flöskur of snemma, eða áður en það náði að þynnast út og niður í 40% áfengisstyrk.

„Það er ekki óhætt að neyta þessarar vöru,“ segir í yfirlýsingu frá eftirlitinu að því er Newsweek greinir frá. „Það getur valdið alvarlegum veikindum að drekka áfengi sem inniheldur 77% alkóhól.“ Dreifingaraðili áfengisins í Kanada tekur undir þetta í yfirlýsingu og bætir við að talið sé að vandamálið einskorðist við Kanadamarkað.

Í gær gaf matvælaeftirlitsstofnun Kanada síðan út að innkalla bæri allar flöskur af umræddu gini í landinu. Engar tilkynningar hafa borist af því að neytendum hafi orðið meint af neyslu þess.

Þetta er í annað skiptið á síðustu vikum sem yfirvöld í Kanada innkalla áfengi í stórum stíl vegna þessa vandamáls. Í mars síðastliðnum var tilkynnt um innköllun á Georgian Bay vodka eftir að í ljós kom að nokkur hundruð flöskur innihéldu 81% alkóhól.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

North með nefhring!
Neytendur
13.01.2018

New York, Taíland, Spánn eða Balí?

New York, Taíland, Spánn eða Balí?
Neytendur
02.01.2018

Svona muntu standa við nýársheitið um bættan fjárhag á árinu 2018

Svona muntu standa við nýársheitið um bættan fjárhag á árinu 2018
Neytendur
02.10.2017

Hæstu áfengisskattar í Evrópu: Sjáðu muninn á Íslandi og Noregi – „Takmarkalausu skattagleði stjórnvalda

Hæstu áfengisskattar í Evrópu: Sjáðu muninn á Íslandi og Noregi – „Takmarkalausu skattagleði stjórnvalda
Neytendur
16.08.2017

Verð á nýjum námsbókum fyrir framhaldsskóla hækkar milli ára

Verð á nýjum námsbókum fyrir framhaldsskóla hækkar milli ára
Neytendur
17.06.2017

Mikilvæg áminning til foreldra í tilefni 17. júní

Mikilvæg áminning til foreldra í tilefni 17. júní
Neytendur
06.06.2017

Ívar lætur íslenska veitingastaði fá það óþvegið: Þetta fékk hann fyrir tæpar tvö þúsund krónur

Ívar lætur íslenska veitingastaði fá það óþvegið: Þetta fékk hann fyrir tæpar tvö þúsund krónur