Snakk hefur lækkað í verði um á bilinu 24-43%, frá því fyrir áramót. Þetta kemur fram í frétt á vef Félags atvinnurekenda. Um áramótin voru tollar af innfluttu kartöflusnakki afnumdir. Á vefsíðunni segir að afnámið hafi „nú þegar stuðlað að verulegri lækkun á verði ýmissa snakktegunda í verslunum. Ætla má þó að áhrifin séu ekki komin að fullu fram, enda eru talsverðar birgðir til af snakki sem flutt var inn á fullum tolli fyrir áramót.“
Tollurinn á snakkið nam 59%.
„Við fögnum því að þetta gamla baráttumál félagsins er gengið í gegn og tollalækkunin er þegar byrjuð að skila sér til neytenda,“ er haft eftir Ólafur Stephensen, framkvæmdastjóra FA. „Gera má ráð fyrir að hagur neytenda batni um vel á annað hundrað milljónir króna vegna þessarar tollaniðurfellingar.“
Dæmi um verðlækkanir:
Olw snakk, 175 gramma poki, lækkaði úr 245 krónum í 179 krónur eða um 27%.
Lay’s snakk 175 gramma poki, lækkaði úr 290-295 í 225-226 krónur, eða 22-24%
Maarud snakk, 275 gramma poki, lækkaði úr 688-698 krónum í 398-399 krónur, 42-43%.
Pik Nik kartöflustrá, 113 gramma dós, lækkaði úr 339-340 krónum í 259-260 krónur, eða hér um bil 24%.
Pik Nik kartöflustrá, 255 gramma dós, lækkaði úr 579-596 kr. í 439-440 kr., eða um 24-26%.