Sniðug móðir hefur sýnt hvernig hún heldur avókadó ferskum allt árið í kring. Hún deildi ráði sínu á Facebook-síðunni Slow Cooker Recipes & Tips, sem er með yfir 200 þúsund fylgjendur.

Með mynd af fullkomlega þroskuðu avókadó á bökunarpappír skrifaði hún:

„Hér er smá trikk sem ég hef verið að gera með avókadó. Ég veit að það er hægt að kaupa það frosið, en ég hef aldrei fundið það. Þannig ég hugsaði, af hverju ekki að frysta það sjálf? Það virkar rosalega vel.“

Nú hugsa örugglega margir að ávöxturinn muni verða brúnn þegar hann fer í frystirinn. Ekki ef þú fylgir hennar fyrirmælum.

„Ég kaupi ferskt avókadó, sker það til helminga, tek steininn úr og sker það í sneiðar. Þú getur líka skorið það í bita ef þér finnst það betra. Ég set svo sneiðarnar á bökunarpappír og plötu og svo í frystirinn.“

Eftir sólahring tekur hún plötuna úr frystinum og setur avókadóið í frystipoka og aftur inn í frysti. Með því að gera þetta svona þá festast sneiðarnar ekki saman.

Það er hægt að nota frosnu sneiðarnar í þeytinga og ýmislegt annað.

„Ég hef leyft þeim að þiðna og nota þær á samlokur eða með eggjum. Þetta helst vel grænt og girnilegt,“ segir hún.

Fjölmargir hafa skrifað við færslu hennar. „Þetta mun breyta lífi mínu! Ég hef keypt frosið avókadó og það var hræðilegt,“ sagði ein kona.

„Ég hafði ekki hugmynd um að þetta væri hægt. Ég hata að henda afgangs avókadó og enginn annar borðar það hérna heima,“ sagði önnur.