Ótrúlega einfalt, ferskt og gott. Falafel bollur eru alltaf frábærar, melónusalatið og tahini jógúrtsósan er eins og punkturinn yfir i-ið!
Hráefni
Falafel bollur
- 200 g Kjúklingabaunir
- 4 Hvítlauksrif
- 1 Rauðlaukur
- 1 msk Tahini
- 2 tsk Cumin
- 2 tsk Kóríanderkrydd
- Safi úr 0.5 sítrónu
- 2 tsk Lyftiduft
- 10 g Fersk steinselja
- Salt
- Pipar
Melónusalat
- 400 g Vatnsmelóna
- 1 Rauðlaukur
- 20 g Mynta
- 75 g Salatostur
- 200 g Kirsuberjatómatar
Tahini jógúrtsósa
- 2 msk Tahini mauk
- 6 msk Hrein jógúrt
- Safi úr 0.5 sítrónu
- 1 Hvítlauksrif, pressaður
- 1 msk Ólífuolía
- Salt
Leiðbeiningar
Falafel bollur
- Leggið kjúklingabaunir í bleyti í að minnsta kosti 10 klst eða allt að 24 klst.
- Takið þá úr vatninu og skolið með köldu vatni. Látið í matvinnsluvél ásamt hinum hráefnunum og maukið saman þar til úr verður deig. Ef blandan er of þurr bætið þá 1-2 msk saman við en bara lítið í einu.
- Mótið í bollur og ef þið viljið er gott að velta þeim upp úr sesamfræjum.
- Hitið olíu á pönnu og steikið í 2-3 mínútur á báðum hliðum.
Melónusalat
Skerið melónu, tómata, raulauk og mynta niður og setjið í skál ásamt fetaosti. Geymið í kæli þar til borið fram.
Tahini jógúrtsósa
Blandið öllum hráefnum saman og smakkið til með salti.
