Wok On hefur opnað sinn níunda veitingastað í verslun Krónunnar Granda en þetta er þriðji Wok On veitingastaðurinn sem er inn í verslun Krónunnar. Hina má finna í Krónunni í Mosfellsbæ og í Krónunni á Akureyri, eins og segir í fréttatilkynningu.

Viðskiptavinir panta rétt af matseðli í sjálfsafgreiðslu eða í gegnum wokon.is og greiða svo fyrir réttinn við afgreiðslukassa Krónunnar, rétt eins og aðra vöru sem versluð er í Krónunni. Þannig geta hungraðir verslanagestir gripið með sér heita máltíð á sama tíma og þeir versla inn í matinn.

Verslun Krónunnar á Granda var lokað um tímabil til að hægt væri að ráðast í framkvæmdir og betrumbæta verslunina. Hún opnaði síðan á ný í síðustu viku og var opnun Wok On innan veggja hennar liður að því að einfalda líf neytenda og þeirra sem vilja greiðan aðgang að góðum og hollum skyndibita í Vesturbænum.

„Strax við opnun tókum við eftir góðum viðtökum viðskiptavina. Neytendamynstur hér á landi er síbreytilegt og er opnun veitingastaða okkar í Krónunni liður í því að geta veitt svöngum kúnnum okkar hollan og bragðgóðan mat á eins skjótan hátt og mögulegt er. Til að fagna þessum áfanga ætlum við að bjóða upp á 40% afslátt af öllum réttum á matseðli út á Granda dagana 27. – 29. september,“ segir Elfa Rut Gísladóttir, markaðsstjóri Wok On.