fbpx
Laugardagur 28.maí 2022
Matur

Ostasalatið sem þú munt liggja í

Sjöfn Þórðardóttir
Mánudaginn 2. maí 2022 10:21

Hér er á ferðinni dásamlega gott ostasalat sem á eftir að setja allt á hliðina. MYNDIR/MARÍA GOMEZ.

Ekki missa af Helstu tíðindum dagsins í pósthólfið þitt

Lesa nánar

Ostasalöt njóta mikilla vinsælda í veislum eða hvers kyns boðum eins og saumaklúbbnum.

María Gomez sælkeri og matarbloggari sem heldur úti síðunni Paz.is er ein af þeim sem er nýbúin að smakka ostasalat og kolféll fyrir því. „Ég viðurkenni það ég er mjög sein upp á ostasalat vagninn, en ég smakkaði ostasalat í fyrsta skiptið núna um daginn. g hef oft heyrt af ostasalati, séð ostasalat í veislum og séð til fólks fá sér aftur og aftur og aftur, og allan tímann dásama slíkt salat. Hvort það sé sama salat og þetta veit ég ekki. En ég veit það að þegar ég smakkaði þetta dásemdarsalat hjá elsku Línu vinkonu minni, þá var ekki aftur snúið,“ segir María.

Það sem var í ostasalatinu hjá vinkonu hennar Línu sem töfraði fram annað bragð voru döðlur. María bætti betur um og bætti við valhnetum segir að það hafi gert útslagið. Hún liggi hreinlega í ostasalatinu, það sé svo dásamlega gott.

Dásemdar ostasalat

1 dós sýrður rjómi

½ dós Gunnars majónes (minni dósin þessi sem er 250 ml)

1 rauð paprika

1 lítill púrrulaukur

Rauð vínber eftir smekk

1 stk. Mexikó kryddostur

1 stk. Hvítlauks kryddostur (mér finnst frá Örnu betri, persónulegt mat)

Valfrjálst:

½ dl smátt skornar döðlur

½ -1 dl smátt skornar valhnetur eða pekanhnetur

Best er að gera salatið kvöldinu áður, en það geymist alveg upp í 5 daga í ísskáp. Mér finnst líka gott að taka það úr kælir eins og 30 mínútum áður en þess er neytt. Hrærið saman majónesi og sýrðum rjóma í skál. Skerið paprikuna smátt og púrrulaukinn. Skerið svo vínberin í þunnar skífur (mér finnst það best þannig). Mér finnst betra ef osturinn er skorinn niður í litla ferninga en ekki of stóra bita. Setjið svo ostinn, paprikuna, púrrulaukinn og vínberin út í majónesblönduna og hrærið vel. Ef þið notið döðlur og hnetur þá þarf að skera það frekar smátt og setja saman við og hræra. Berið fram með góðu kexi, súrdeigsbrauði, nýbökuðu baguette eða því sem þér finnst passa vel með ostum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 2 vikum

Vegan með Vítalíu – Mjúkar og djúsí súkkulaðibitakökur

Vegan með Vítalíu – Mjúkar og djúsí súkkulaðibitakökur
Matur
Fyrir 3 vikum

Frískandi og sumarlegur melónukokteill í Eurovison-boðið

Frískandi og sumarlegur melónukokteill í Eurovison-boðið
Matur
Fyrir 3 vikum

Nýkrýndur Kokkur ársins er Rúnar Pierre

Nýkrýndur Kokkur ársins er Rúnar Pierre
Matur
Fyrir 4 vikum

Hver verður kokkur ársins 2022?

Hver verður kokkur ársins 2022?
Matur
21.04.2022

Syndsamleg sólskinsterta með löðrandi ljúffengu karamellukremi sem enginn stenst

Syndsamleg sólskinsterta með löðrandi ljúffengu karamellukremi sem enginn stenst
Matur
19.04.2022

Langbesta túnfisksalatið í dag

Langbesta túnfisksalatið í dag
Matur
09.04.2022

Íslenskar lambalundir eru algjört sælgæti og fullkomnar á grillið

Íslenskar lambalundir eru algjört sælgæti og fullkomnar á grillið
FréttirHelgarmatseðillMatur
08.04.2022

Dýrðlegur helgarmatseðill í boði Sollu og Hildar

Dýrðlegur helgarmatseðill í boði Sollu og Hildar