fbpx
Föstudagur 20.maí 2022
Matur

Syndsamleg sólskinsterta með löðrandi ljúffengu karamellukremi sem enginn stenst

Sjöfn Þórðardóttir
Fimmtudaginn 21. apríl 2022 09:01

Sólskinstertan hans Alberts er syndsamlega ljúffeng og karamellukremið er engu líkt.

Ekki missa af Helstu tíðindum dagsins í pósthólfið þitt

Lesa nánar

Í þættinum Matur og heimili fyrir liðlega þremur árum síðan sá Albert Eiríksson matarbloggari og sælkeri með meiru um baksturinn á tertunni sem tileinkuð er sumardeginum fyrsta hjá hans fjölskyldu. Albert heldur í ýmsar matartengdar hefðir og meðal þeirra hefða er að baka Sólskinstertuna sem sló í gegn þarna um árið. Albert býður ávallt upp á þessa syndsamlegu ljúffengu tertu í tilefni sumarsins.

Sólskinstertuna hefur móðir Alberts bakað á sumardaginn fyrsta í yfir hálfa öld. Heima hjá honum var þessi terta aldrei bökuð á öðrum tíma.  „Hún er kannski ekki sú hollasta en það er gaman að halda í hefðir og bragðgóð er hún – því get ég lofað,“ segir Albert og brosir sínu breiðasta. „Hafið í huga að þetta er frekar lítil uppskrift, oftast hef ég hana tvöfalda. Stundum minnka ég smjörmagnið og nota 2 til 3 matskeiðar af matarolíu, þannig verður hún mýkri,“ segir Albert.

Hér getur svo að líta uppskriftina góðu að sólskinstertunni, en Albert heldur úti heimasíðunni www.alberteldar.com og hægt er að finna þar ýmsar góðar uppskriftir.

Sólskinsterta

120 g smjör

1 dl sykur

2 egg

1 1/2 dl hveiti

1 tsk. lyftiduft

1 tsk. möndludropar

1/2 tsk. salt

Hitið ofninn í 180°gráður. Hrærið smjör, sykur og egg saman. Blandið þurrefnunum saman, hrærið vel saman og hellið deiginu í lítið smurt smelluform. Bakið við 180°gráður, í um það bil 20 mínútur. Látið kökuna standa stutta stund áður en kreminu er hellt yfir. Berið restina af kreminu fram með kökunni.

Kremið

2 dl rjómi

120 g sykur

2 msk síróp

1 tsk salt

30 g smjör

1 tsk vanilla (extract)

Sjóðið rjómann, sykurinn og sírópið saman, við vægan hita, þar til blandan fer að þykkna. Hrærið smjörinu, salti og vanillu saman við og látið kremið kólna lítið eitt áður en því er smurt á kökuna.

Njótið vel og gleðilegt sumar.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 2 vikum

Nýkrýndur Kokkur ársins er Rúnar Pierre

Nýkrýndur Kokkur ársins er Rúnar Pierre
Matur
Fyrir 2 vikum

Hver verður kokkur ársins 2022?

Hver verður kokkur ársins 2022?
Matur
Fyrir 3 vikum

Djúsí kjúklingaspjót og undurljúffengir rjómaostafylltir sveppir af betri gerðinni

Djúsí kjúklingaspjót og undurljúffengir rjómaostafylltir sveppir af betri gerðinni
Matur
Fyrir 3 vikum

Heiðarlegur sælkera helgarmatseðill í boði Ebbu Guðnýjar

Heiðarlegur sælkera helgarmatseðill í boði Ebbu Guðnýjar
FréttirHelgarmatseðillMatur
08.04.2022

Dýrðlegur helgarmatseðill í boði Sollu og Hildar

Dýrðlegur helgarmatseðill í boði Sollu og Hildar
Matur
08.04.2022

Náttúruleg leið til að hreinsa örbylgjuofninn

Náttúruleg leið til að hreinsa örbylgjuofninn
Matur
31.03.2022

Djúsi kjúklingaréttur í rjómaosta- og sveppasósu sem þú átt eftir að elska

Djúsi kjúklingaréttur í rjómaosta- og sveppasósu sem þú átt eftir að elska
Matur
30.03.2022

Þjóðin sólgin í flatkökur

Þjóðin sólgin í flatkökur