fbpx
Mánudagur 27.september 2021
Matur

Nóróveirusmitaðar ostrur á Skelfiskmarkaðnum ollu 295 milljóna gjaldþroti

Heimir Hannesson
Miðvikudaginn 7. júlí 2021 13:30

mynd/samsett

Ekki missa af Helstu tíðindum dagsins í pósthólfið þitt

Lesa nánar

Kröfur í þrotabú Skelfiskmarkaðarins námu 295 milljónum rúmum en aðeins fengust tæpar 4 milljónir upp í kröfurnar. Tekið skal fram að sjaldnast er tekin afstaða til krafna af skiptastjóra þrotabús þegar ljóst er að ekkert mun fást upp í þær.

Samkvæmt tilkynningu Matvælastofnunar frá því í lok nóvember 2018 veiktust 48 einstaklingar eftir að hafa borðað ostrur á veitingastaðnum í lok október og byrjun nóvember. Sagði þar að staðfest væri að orsök veikindanna mætti rekja til mengaðra ostra. Um innfluttar ostrur frá Spáni hafi verið að ræða sem ræktaðar voru áfram til manneldis í Skjálfandaflóa.

Staðurinn var fyrir smitið einn sá allra vinsælasti í Reykjavík. Staðurinn var rekinn í nýbyggðu húsi á horni Laugavegs og Klapparstígs af veitingamanninum Hrefnu Sætran. Hrefna lokaði staðnum í mars 2019, fjórum mánuðum eftir að smitin komu upp. Sagði hún í viðtali við Fréttablaðið fyrr þann mánuð að staðan væri erfið og bókanir hefðu hrunið eftir uppákomuna. Við RUV sagði Hrefna: „Blákaldur veruleikinn er sá að þetta ömurlega atvik sem kom upp í nóvember hafði það mikil áhrif að þetta er bara því miður staðan.“

Seinna þennan sama mars mánuð var rekstrarfélag veitingastaðarins svo tekið til gjaldþrotaskipta. Nú liggur niðurstaðan í því gjaldþroti fyrir en sem fyrr segir fengust fjórar milljónir upp í 295 milljóna kröfur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
22.05.2021

Uppljóstrar leyndarmál um Bic Mac borgarana – „Ég verð rekin fyrir þetta“

Uppljóstrar leyndarmál um Bic Mac borgarana – „Ég verð rekin fyrir þetta“
Matur
18.05.2021

Eldaðu máltíð fyrir 2 undir 1000 krónur – Spaghetti carbonara sem klikkar ekki

Eldaðu máltíð fyrir 2 undir 1000 krónur – Spaghetti carbonara sem klikkar ekki
Matur
27.04.2021

Eldaðu eins og Matarmenn – Ótrúlega einfaldur og góður kjúklingaréttur

Eldaðu eins og Matarmenn – Ótrúlega einfaldur og góður kjúklingaréttur
Matur
25.04.2021

„Máltíð sem er elduð með þessum hætti getur ekki verið neitt annað en hreinn unaður“

„Máltíð sem er elduð með þessum hætti getur ekki verið neitt annað en hreinn unaður“
Matur
20.04.2021

Tryllt ostapasta sem er fullkomið í nesti daginn eftir

Tryllt ostapasta sem er fullkomið í nesti daginn eftir
Matur
18.04.2021

5 uppáhalds uppskriftir Berglindar – „Vandræðalega góðar“

5 uppáhalds uppskriftir Berglindar – „Vandræðalega góðar“
Matur
05.04.2021

Ketó jógúrt boost fyrir alla fjölskylduna – fullkomið um helgar

Ketó jógúrt boost fyrir alla fjölskylduna – fullkomið um helgar
Matur
03.04.2021

Hanna Þóra hefur verið á ketó í 950 daga – Þetta borðar hún á venjulegum degi

Hanna Þóra hefur verið á ketó í 950 daga – Þetta borðar hún á venjulegum degi