Hjónin Bobby og Dessi Parrish hafa um árabil haldið úti matarsíðunni FlavCity þar sem Bobby eldar bragðgóðan mat í hollari kantinum. Þau birta myndbönd þar sem hann eldar, fer í verslunarleiðangra og borðar með fjölskyldunni, og komið hafa út matreiðslubækur undir merkjum FlavCity. Dessi hannaði vefsíðu fyrirtæksins, tekur ljósmyndir og hefur tekið upp hluta af myndböndunum.
Eftir að Bobby og eiginkona hans, Dessi sem er stór hluti af FlavCity framleiðslunni, eignuðust dótturina Rose hafa vinsældir myndbandanna stóraukist. Ástæðan er sú að Rose er afar áhugasöm um eldamennskuna, er til í að taka þátt í flestu sem pabbi sinn er að gera og er óhrædd við að smakka hvað sem er.
Margir aðdáendur horfa á þættina bara til að fá að sjá Rose litlu sem er nýorðin tveggja ára en ýmsir hafa gagnrýnt að myndefni af ungu barni sé notað í svo miklum mæli í myndböndunum og segja hjónin nota dóttur sína til að græða peninga.
Hvað sem því líður þá er Rose algjört krútt og hún aðstoðaði pabba sinn við að búa til panini samloku á dögunum. Rose smakkaði að sjálfsögðu pestóið, parmaskinkuna, kalkúninn og cheddar ostinn áður en þetta fór á samlokuna. Hér má sjá myndir og myndband frá paninigerðinni. Á Facebooksíðu FlavCity má finna fleiri skemmtileg myndbönd.
Hér má svo sjá myndbandið í heild sinni: