fbpx
Fimmtudagur 21.október 2021
Matur

Þetta borðar Guðbjörg Finns á venjulegum degi – „Mataræðið má ekki vera of flókið“

Guðrún Ósk Guðjónsdóttir
Laugardaginn 6. mars 2021 17:10

Guðbjörg Sigríður Finnsdóttir og Gosi. Mynd/Stefán

Ekki missa af Helstu tíðindum dagsins í pósthólfið þitt

Lesa nánar

Guðbjörg Finns rekur G fit heilsurækt og er sjálf í hörkuformi. Hún hugar vel að mataræðinu og telur það skipta miklu máli til að ná árangri. Matarvenjur hennar eru einfaldar og leggur hún áherslu á að borða hreina fæðu.

Guðbjörg Sigríður Finnsdóttir íþróttakennari hreyfir sig nær allan daginn í gegnum kennslu sína í G Fit og í fjarþjálfun. „Fjarþjálfunartímar mínir krefjast þess að ég sýni æfingarnar vel og taki þátt allan tímann og það gefur mér hörkuæfingu. Ég kenni líka í þrjá daga í HÍ og þar er góður hópur sem mætir í hádeginu. Ég þarf því að huga vel að mataræði mínu og reyni að fá góða hvíld á milli.“

Mikilvægt að huga að mataræðinu

Guðbjörg segir að það skipti miklu máli að huga að næringunni til að ná árangri. „Ég er á því að ef þú hreyfir þig reglulega þá fylgi allt annað hollt miklu auðveldara með. Þú ferð að hugsa betur um hvað þú borðar og svefninn verður betri. Mataræðið má ekki vera of flókið til að fylgja því eftir. Því til sönnunar eru alltaf að koma nýir matarkúrar eða aðferðir til að léttast, en flestir gefast upp á að fylgja fyrirmælum um boð og bönn. Það er ekkert spennandi að hlusta á að sú aðferð sem virkar best sé einföld: Borða sem mest hreinan mat, sneiða hjá sykri, velja holla fitu og borða nóg grænmeti. Svo er það skammtastærðin sem alltaf þarf að huga að, fer eftir því hvort þú vilt léttast eða þyngjast.“

Guðbjörg segist reyna að fylgja sem mest hreinu mataræði og fá rétt hlutföll af fitu, próteini og kolvetnum. „Enga orkudrykki á æfingu, vatnið er alltaf best,“ segir hún.

Mynd/Stefán

Byrjar daginn á ofurdrykk

„Ég byrja alla daga á því að fá mér eplaedik í vatnsglas, engifer- og túrmerikskot og rauðrófuduft frá Now. Ef ég er með einn tíma í framhaldinu þá fæ ég mér ekki morgunmat fyrr en klukkan 10.30. En þrjá daga vikunnar vakna ég klukkan 5.20. Fæ mér morgunmat, sem er yfirleitt ab-mjólk, ein matskeið mulin hörfræ, ein matskeið hampfræ og eitt lífrænt epli. Fæ mér svo vítamín. Um hádegið fyrir kennslu fæ ég mér mjög oft tvö egg, góða lúku af hreinum hnetum og bláber,“ segir Guðbjörg.

„Þá er kominn tími á góða kaffibollann minn sem er espressokaffi og kollagenduft frá Feel Iceland, en þær bætiefnavörur flokka ég frekar sem ofurhollan innmat. Ég næli mér alltaf í góða endurheimt með því að fara í Sundlaug Garðabæjar og kaldi potturinn þar er algjör nautn. Þá næri ég mig með grænum ofurhollum drykk þar sem uppistaðan er grænkál/spínat, sellerí, engifer, mangó og ýmislegt grænt og gott. Ég þarf meira en það og þá er það oft fræbrauð sem ég baka sjálf eða Lífskornabrauð og þá með kotasælu eða avókadó eða hreint skyr með granóla frá Náttúrulega gott.“

Einfallt, hollt og gott

„Mér finnst gott að fá mér kaffibolla númer tvö fyrir kennslu seinnipartinn. Kvöldmaturinn er máltíð fjölskyldunnar og við höldum okkur við sem mest hreina fæðu og ég elda sem mest frá grunni,“ segir hún.

„Ég get bætt hvítlauki og chilli við nánast hvað sem er og það er einfaldlega besta kryddið. Við borðum mikið fisk og þorskhnakkar eru í algjöru uppáhaldi. Þessi uppskrift er algjör veislumatur þó svo þetta sé mjög fljótlegt og þannig vil ég hafa það. Einfalt, hollt og gott. Stundum langar mig að narta á kvöldin og þá er gott að fá sér medjool döðlur og kasjúhnetur og jú, stundum súkkulaðirúsínur.“

Það er hægt að fylgjast með Guðbjörgu á Instagram, @gfitheilsuraekt.

Engifer- og túrmerikskot

Mynd/Stefán
  • 300 g engifer, afhýtt
  • 4-5 greinar túrmerik rót, afhýdd
  • 5 sítrónur, innvolsið
  • 200 ml vatn

Allt í öflugan blandara og geymt í flösku inni í kæli

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
09.06.2021

Vinsæll íþróttadrykkur víða ófáanlegur í íslenskum verslunum

Vinsæll íþróttadrykkur víða ófáanlegur í íslenskum verslunum
Matur
23.05.2021

Bubblurnar sem mælt er með – „Þetta er eins nálægt kampavíni og þú kemst, án þess að kaupa kampavín.“

Bubblurnar sem mælt er með – „Þetta er eins nálægt kampavíni og þú kemst, án þess að kaupa kampavín.“
Matur
30.04.2021

Besta ráðið til að fá karlmenn til að borða grænmeti – virkar líka á glúteinleysingja

Besta ráðið til að fá karlmenn til að borða grænmeti – virkar líka á glúteinleysingja
Matur
28.04.2021

Uppáhalds uppskriftir Berglindar Hreiðars – Nautalund, humar, kanilsnúðar og bestu núðlur í heimi

Uppáhalds uppskriftir Berglindar Hreiðars – Nautalund, humar, kanilsnúðar og bestu núðlur í heimi
Matur
21.04.2021

Listaspíruleyndarmál – 5 uppáhalds veitinga- og kaffistaðir Sögu

Listaspíruleyndarmál – 5 uppáhalds veitinga- og kaffistaðir Sögu
Matur
20.04.2021

Sóley spáir drykkjatrendum sumarsins – No&Low mjög vinsælt, hollari leið til að fá sér í glas

Sóley spáir drykkjatrendum sumarsins – No&Low mjög vinsælt, hollari leið til að fá sér í glas
Matur
10.04.2021

Una í eldhúsinu – Kjúklingaréttur með himneskri sósu

Una í eldhúsinu – Kjúklingaréttur með himneskri sósu
Matur
10.04.2021

Kristinn er maðurinn á bak við Soð – Þetta borðar hann á venjulegum degi

Kristinn er maðurinn á bak við Soð – Þetta borðar hann á venjulegum degi