Uppáhaldsmatur Íslendinga á aðfangadag er enn eitt árið hamborgarhryggur en 47% þjóðarinnar ætlar að gæða sér á honum þetta árið samkvæmt könnun MMR. Lambakjöt annað en hangikjöt er í öðru sæti með 10% en nautakjöt ratar á diska 6% Íslendinga. Færri ætla að gæða sér á grænmetisfæði í ár en í fyrra og tekur öndin yfir fjórða sætið með sín 4%.
Þegar litið er á hvaða stjórnmálaflokka fólk kýs þá er hamborgarhryggurinn vinsælastur hjá stuðningsmönnum Flokks fólksins með 57% en minnst vinsæll hjá Pírötum með 37%.
Stuðningsmenn Miðflokksins og Framsóknarflokksins eru líklegri en aðrir til þess að borða lambakjöt annað en hangikjöt og Viðreisnarfólk heldur meira upp á nautakjöt en aðrir.