Önd nýtur vaxandi vinsælda hér á landi á hátíðarborði landsmanna enda er öndin sælkeramatur borin fram með meðlæti sem bráðnar í munni.
Hildur Rut Ingimars lífsstíls- og matarbloggari á Trendnet ætlar að halda fyrstu jólin heima með fjölskyldu sinni og er að prófa sig áfram með jólamatinn. Hún prófaði á dögunum franskar andabringur með steiktum kartöflum, kantarella sveppasósu og rósakáli með rjóma og parmesan sem heillaði hana upp úr skónum. „Þar sem við ætlum að halda fyrstu jólin heima þetta árið þá langar okkur að búa til nýjar hefðir og elda eitthvað sem við erum ekki vön að borða á jólunum. Við erum mjög spennt fyrir önd og ég prófaði andabringur frá Vallette á sunnudagskvöldið. Vá hvað þær eru ljúffengar og verða því líklegast í matinn á aðfangadagskvöld,“, segir Hildur Rut. Henni fannst til að mynda mjög gott að bera fram öndina waldorfsalati og algjörlega ómissandi að steikja kartöflurnar upp úr andafitunni. „Rósakál með rjóma og parmesan setur punktinn yfir i-ið og allt rennur þetta svo ljúflega niður með ljúffengu rauðvíni eða því sem hverjum og einum finnst best að bara öndina saman við,“segir Hildur Rut og er farin að hlakka mikið til að elda jólamatinn á aðfangadagskvöld. Hildur Rut deilir hér með lesendum uppskriftinni af öndinni ásamt hátíðarmeðlætinu. |
Andabringur og meðlæti með jólaívafi Fyrir 2-3 Andabringur Villibráðarsósa Rósakál Kartöflur eftir smekk. Aðferð Andabringur
Villibráðarsósa
|