Dorrit Moussaieff, fyrrum forsetafrú Íslands, er mikill aðdáandi íslenskrar matarmenningar og hefur ekki látið sitt eftir liggja við að kynna það sem Ísland hefur upp á að bjóða í þeim efnum. Í gær hélt hún veglega veislu fyrir vina sína á heimili sínu í London og fékk engan annan en Gísli Matthías Auðunsson, einn helsta matreiðslumann þjóðarinnar, til þess að matreiða ofan í gesti sína.

Tilefnið var ærið enda er Gísli að gefa út matreiðslubókina Slippurinn á enskri tungu þar sem farið er yfir tíu ára sögu samnefnds veitingastaðar í Vestmannaeyjum sem Gísli á og rekur auk þess sem matreiðslumeistarinn deilir fjölmörgum uppskriftum með lesendum sínum. Það er breski bókaútgáfurisinn Phaidon sem gefur bókina út en sú útgáfa hefur staðið að mörgum af bestu matreiðslubókum heims undanfarin ár auk.

Ekki er ólíklegt að Dorrit hafi haft milligöngu milli Phaidon og Gísla enda er Deborah Aaronson, aðstoðarforstjóri útgáfunnar, góð vinkona hennar.

„Takk fyrir, mín kæra vinkona Debbi, fyrir að kaupa Phaiden og kynna svo mikið af íslenskum mat á alþjóðlegum vettvangi,“ segir Dorrit í færslu þar sem hún deilir ofangreindri mynd af sér og Gísli Matt í veislunni.