Aldís Amah Hamilton listakona varð nýlega vegan, en hefur að mestu leyti verið grænmetisæta síðastliðin sjö ár. Hún deildi nýlega með okkur hvað hún borðar á venjulegum degi, hér deilir hún uppskrift að tófúhræru sem allir elska.
Sjá einnig: Þetta borðar Aldís Amah á venjulegum degi
Tófúhræran. Mynd/Sigtryggur Ari Tófúhræra fyrir tvo
300 g tófú
Marínering
1 msk. dijon-sinnep
1 msk. reykt paprika (ég vil meira en minna)
1 msk. túrmerik
1 tsk. karrí
½ tsk. laukduft (eða steikja lauk)
1 msk. vatn til að þynna.
1 msk. sæt tómatsósa (elska Dr. Wills) en má sleppa.
Tófúhræran. Mynd/Sigtryggur Ari Aðferð
Tófú mulið ofan í maríneringu.
Blandað og geymt meðan grænmeti er steikt.
Ég nota yfirleitt kúrbít, papriku, spínat/grænkál, tómata, sveppi eða hvað sem ég á inni í ísskáp, sem ég hefði áður notað í ommelettu.
Þegar grænmetið er mjúkt set ég tófúið á pönnuna, strái næringargeri yfir, set lok á og hita þetta í 5-10 mín. á meðalhita. Hræri við og við.
Ber fram með brauði, avókadó og Sriracha-sósu. ALLIR sem hafa smakkað elska þetta. Svo er gaman að prófa sig áfram með kryddin, „go nuts“!
