Einn áhugaverðasti og skemmtilegasti íslenski hópurinn á Facebook í dag er tvímælalaust hópur matgæðinga sem nefnist Matartips! Þar má oft finna stórskemmtilegar umræður sem jafnvel eru fræðandi og hjálpa til við eilífðarspurninguna: Hvað á að hafa í matinn.

Í gærkvöldi spurði einn matgæðingur hvort aðrir í hópnum hefðu undarlegar matarhefðir sem væru kannski ekki viðurkenndar af þorra manna. Síðan deildi hann sínum furðulegu matarhefðum:

„Mitt er t.d.

• Frosið baguette beint úr frystinum og skafað með tönnunum
• Haframjöl með mjólk og bökunarkakó, borðað með skeið.
• Ostsneiðar á disk í örbylgjuofn með slatta af Aromat, inní örbylgjuofn, borðað með gaffli/skeið.
• Ósoðið spagettí og pasta borðað eins og snakk
• Núðlur borðaðar ósoðnar
• Brauðsnauð án skorpu, rúlluð upp i þéttan bolta og borðað í einum bita án áleggs.
• Kúfull skeið af sírópi eða hunangi. „

Viðbrögðin létu ekki standa á sér og þegar þetta er skrifað hafa á þriðja hundrað athugasemdir borist undir þráðinn.

Cheerios með smjöri og osti og annað góðmeti

Fókus tók saman helstu óhefðbundnur matarhefðirnar sem mætgæðingarnir deildu.

• „Ég er örugglega ekki ein um að hafa gert þetta… Bingókúlur í örbylgjuofni og borðað með skeið.“
• „Bökunarkakó og sykur hrist saman og borðað með skeið.“
• „Bakaðar baunir með osti í örbylgjuofn. Popp með osti – hvernig osti sem er nánast. Kornflex með nesquick og mjólk. Kókópuffs með rjóma. Eintómir kraftteningar (kjötkraftur, kjúklingakraftur etc.) Svo má nota Aromat á nær allt“
• „Í desember þá nær maður sér í piparkökudall og rækjusalatsdós. Þetta var prófað óvart, þá var ekki aftur snúið“
• „Haframjöl með mjólk og kakó. Ég er sextug og borðaði þetta oft sem barn. Geggjað gott.“
• „Ýsa og Betty crocker kremið (hvíta)“
• „Ristað brauð með hangikjöti og banana“
• „Cheerios með smjöri og osti í örbylgjuofni“
• „Amma segist ekki fá neitt af Costco poppinu sem hún keypti því afi sé alltaf að fá sér popp og mjólk saman á disk“
• „Mjólkurkex með tómatsósu“
• „Súkkulaðisnúður (glassúr) með osti“
• „Hlaupbangsar og nóa rjómakúlur bræddar í örbylgju og borðað með skeið“
• „Stappaðir bananar með steiktum fisk“
• „Elska Cheerios með sultu og smá dass af sinnepi“
• „Bónus súkkulaðikex (þetta þunna með dökka súkkulaðinu) með rækjusalati er æði. Og rúgbrauð með karrýsíld og banana“
• „Ristað brauð með smjöri og kanilsykri“
• „Ristað brauð með smjöri og púðursykri“
• „Kleinur með osti í örbylgjuofn“
• „Brauð með remúlaði, gulum baunum og ost inní örbylgjuna“
• „Franskbrauð með kokteilsósu – ekki hitað“
• „Gúrka í sykur. Gúrka vafin í ost. Brauðkúla. Kakó í Cheerios. Ritz-kex með tómatósu og ofn í örbylgjuofn“
• „Brauð smurt með smjöri, skinka og aromat. Hitað í örbylgjuofni…Ristað Brauð með majónes, eplasneiðum og aromati. Bræddur Ostur a disk með aromati.Pylsur skornar í bita, ostur yfir og svo hitað í örbylgjuofni, best með tómatsósu og sinnepi on the side. Núðlur með pítusósu og kjöt og grill kryddi. Pylsubrauð með salati og grænmetissósu“