Útvarpskonan Sigurlaug M Jónasdóttir skellti sér í húsmæðraorlof til Akureyrar að heimsækja systur sína. Sigurlaug er annaálaður listakokkur og skelltu þær systur í alvöru kæfu. Myndirnar sem hún birti á samfélagsmiðlum fengu vissulega marga til að minnast þeirra tíðar þegar heimagerð kæfa var borin á borð og þá gjarnan með rúgbrauði. Viðbrögðin eru mikil og fólk er æst í uppskriftina.
Sigurlaug gaf DV góðfúslegt leyfi til að deila uppskriftinni sem hún segir ver afar góða á ristaðbrauð og hún hreinlega tárist við hvern bita. „Ég græt alltaf smá þegar ég borða kæfuna hennar systur minnar,“ segir Sigurlaug og hlær sínum sjarmerandi hlátri.
Kindakæfa Hjördísar
10 lambaslög + nokkrir (lélegir) súpukjötsbitar
Slögin eru sett þiðin í pott og suðan látin koma upp.
Fleytið ofan af.
Bætið við í pottinn:
3 heilum laukum
6 lárviðarlaufum
2 msk salt
1 msk negulnaglar
2 msk svört piparkorn
1 msk blönduð piparkorn
Sjóðið í 2 1/2 klst.
Takið slögin úr pottinum eitt og eitt í einu, fituhreinsið og beinhreinsið.
Síið soðið og geymið ca 4 lítra (er ekki allt notað)
Veiðið fitu ofan af soðinu
7-8 laukar. Afhýddir og skornir í báta.
Hakkið kjötið ásamt lauknum og setjið aftur í pottinn.
Hitið og hræið saman, og kryddið.
Setjið lítið krydd í einu og lítið soð. Hitið og hrærið vel á milli og smakkið.
Passið að það sé ekki notað of mikið soð.
Ca magn af kryddi:
3 1/2 msk salt
2 1/2 msk hvítur pipar
2 msk grófmalaður svartur pipar
2 msk piparblanda frá Prima
1 1/2 tsk engiferduft (ekki meira af því)
8-10 msk Toro Bouillon duft dökkt
Kæfan þarf að vera örlítið sterkari heit því hún dofnar aðeins þegar hún kólnar.
Setjið í hæfilegar plastdollur og frystið.