fbpx
Mánudagur 28.september 2020
Matur

Líklega besta pasta í heimi – Ljúffengt lægðarfæði með hvítvíns-primadonnasósu

Tobba Marinósdóttir
Mánudaginn 7. september 2020 17:30

Lekkert lægðarfæði Mynd: TM

Ekki missa af Helstu tíðindum dagsins í pósthólfið þitt

Lesa nánar

Nei, nú skaltu klára að lesa þetta blað og skransa svo út í næstu verslun og kaupa í þennan rétt. Fyrsti munnbitinn og lífið mun leika við þig um stund.

Þegar ritstjórn DV lagðist í sóttkví var allt tínt til úr ísskápnum og „comfort food“, eða lægðarfæði, var mun oftar á borðum en ásættanlegt þykir fyrir fólk með útivistarleyfi. En það góða sem kom út úr því – fyrir utan nokkur aukakíló – er þessi stórkostlegi réttur sem er án efa einn besti pastaréttur síðari ára.

Fyrir 3-4 fullorðna

1 pakki ferskt spaghetti eða tagliatelle
150 g grænkál
4 hvítlauksrif
2 msk. smjör
1 dl matreiðslurjómi
½ dl hvítvín
200–300 g risarækja (hrá eða elduð – bæði selt frosið)
Primadonnaostur – væn sneið
ferskt kóríander
salt
chilipipar í kvörn
pipar
sítróna
olía

Setjið 1 dl af olíu, msk. af sítrónu­safa, 1 dl af af söxuðu kóríander, ½ tsk. chili úr kvörn og 2 hvítlauksrif, pressuð, í krukku og hristið.

Sigtið rækjurnar og pillið ef þær eru hráar og hellið leginum yfir. Marin­erið í að lágmarki klst.

Skolið grænkálið. Saxið gróft. Setjið í olíulög og saltið. Nuddið kálið með leginum og látið liggja í klst. Olían brýtur niður kálið og gerir það mun meyrara og betra.

Steikið rækjurnar upp úr smjöri og merjið eitt hvítlauksrif út á pönnuna. Gætið þess að ofsteikja þær ekki, þá verða þær þurrar og seigar. Séu rækjurnar hráar duga 3­-4 mínútur við nokkuð háan hita (þar til þær verða bleikar) því þær halda áfram að eldast í sósunni. Bætið grænkálinu á pönnuna. Hellið rjóma, hvítvíni og 2 dl af rifn­um primadonna út á pönnuna. Saltið og piprið eftir smekk.

Látið malla svo sósa þykkni. Sjóðið pasta samkvæmt leiðbein­ingum. Sigtið og setjið í skál.Hellið rækjunum í sósunni út á.Setjið dl af osti yfir, ferskan pipar og saxað kóríander.

Berið fram með góðu salati og köldu rósavíni – eða sódavatni. Ískalt rósavín tekur þennan rétt upp á annað og hærra stig.

Lekkert lægðarfæði Mynd: TM
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 3 vikum

Þetta borðar Birta Abiba á venjulegum degi

Þetta borðar Birta Abiba á venjulegum degi
FréttirMatur
Fyrir 3 vikum

Sykurlaus guðdómleg gulrótarkaka – Geggjuð gleði

Sykurlaus guðdómleg gulrótarkaka – Geggjuð gleði
Matur
Fyrir 4 vikum

Þetta borðar einn helsti ketó-sérfræðingur Íslands á venjulegum degi

Þetta borðar einn helsti ketó-sérfræðingur Íslands á venjulegum degi
Matur
26.08.2020

Embla Ósk prófaði hráfæði í mánuð – Þetta er það sem hún lærði

Embla Ósk prófaði hráfæði í mánuð – Þetta er það sem hún lærði
Matur
16.08.2020

Vigdís Hauks breytti um lífsstíl og kílóin fuku burt

Vigdís Hauks breytti um lífsstíl og kílóin fuku burt
Matur
16.08.2020

Trylltur kjúklingur með rjómaosti, döðlum og sólþurrkuðum tómötum

Trylltur kjúklingur með rjómaosti, döðlum og sólþurrkuðum tómötum
Matur
09.08.2020

Djúsí djöflaterta með kaffikremi og granateplum

Djúsí djöflaterta með kaffikremi og granateplum
Matur
08.08.2020

Jóhannes Gleðipinni elskar ítalska heimilisréttinn Saltimbocca – Eins og bjúgu og uppstúfur á Íslandi

Jóhannes Gleðipinni elskar ítalska heimilisréttinn Saltimbocca – Eins og bjúgu og uppstúfur á Íslandi