Una Guðmundsdóttir, matgæðingur DV, deilir uppskrift að gómsætu kínóa salati.
150 g kínóa
150 g spínat
50 g rauðkál, ferskt
2-3 gulrætur
30 g radísuspírur
150 g bláber
50 g kókosflögur
Byrjið á að sjóða kínóa í potti (forðist að ofsjóða það, það á til að festast saman).
Blandið saman í skál spínati, grófsöxuðu, fersku rauðkáli, flysjuðum gulrótum, og blandið öllu vel saman við, nema kókosflögunum og kínóanu.
Sigtið vatnið af kínóanu og leyfið aðeins að kólna.
Blandið því svo saman við salatblönduna, vel og vandlega.
Að lokum er kókosflögum stráð yfir. Verði ykkur að góðu.