fbpx
Miðvikudagur 14.apríl 2021
Matur

Þetta borðar Greta Salóme á venjulegum degi

Guðrún Ósk Guðjónsdóttir
Laugardaginn 20. júní 2020 20:00

Greta Salóme. Mynd: Valli

Ekki missa af Helstu tíðindum dagsins í pósthólfið þitt

Lesa nánar

Tónlistarkonan Greta Salóme fylgir engu ákveðnu mataræði en hefur fastað fram yfir hádegi í mörg ár. Uppáhaldsmatur hennar er súkkulaði en það er lítið um hann þessa dagana þar sem hún er í sykurlausu átaki til 8. júlí.

„Ég á í rauninni engan venjulegan dag. Ég vinn við að koma fram og dagarnir eru eins misjafnir og þeir eru margir. Síðustu ár er ég búin að vera mikið á tónleikaferðalögum erlendis þannig að það að vera heima í lengri tíma núna er búið að vera mjög skrýtið en líka yndislegt,“ segir Greta Salóme.

Fastað í mörg ár

„Ég fylgi í rauninni engu ákveðnu mataræði en ég hef fastað í mörg ár þannig að ég sleppi yfirleitt morgunmat og bíð með fyrstu máltíðina fram yfir hádegi. Ef ég mætti ráða myndi ég bara ljóstillífa á virkum dögum og sleppa því að borða þar sem mér finnst það svo tímafrekt og svo borða eitthvað geggjað um helgar og spari,“ segir hún.

Greta Salóme ver töluverðum tíma í eldhúsinu og elskar að elda.

„Það besta sem ég veit er að fá fólk í mat og það er eitthvað sem ég hef frá mömmu minni. Ég hef mikinn áhuga á matargerð og sérstaklega bakstri og fór nýverið að baka stórar og flottar veislutertur. Þetta er svona eins konar þerapía og ég get gleymt mér í eldhúsinu klukkutímunum saman.“

Þessa dagana er Greta Salóme í sykurlausi átaki fram að 8. júlí. Henni tókst að draga um tvö þúsund samlanda sína með sér í átakið. „En ég verð að segja að súkkulaði er uppáhaldsmaturinn minn. Sumir segja að það sé ekki matur en ég er fullkomlega ósammála.“

Matseðill Gretu Salóme

Morgunmatur

Brýt föstuna yfirleitt með höfrum með möndlumjólk, döðlum og heslihnetum. Það er alveg klikkuð orka í því.

Millimál nr. 1

Ef það má flokka Pepsi Max sem millimál myndi ég segja það, þar sem ég er að vinna með svona 1–2 lítra á dag. Annars finnst mér geggjað að fá mér ristað brauð með avókadó og eggjum.

Hádegismatur

Ég er með æði fyrir mexíkóskum mat þessa dagana og ég geri mér heilhveitivefju með kjúklingi og grænmeti flesta daga núna. Trikkið er að nota grænmetið sem maður á og steikja það með taco-kryddi og setja svo það og kjúklinginn í vefjuna með salsasósu. Hollt og geggjað gott.

Millimál nr. 2

Vanillu- og kaffiskyr frá KEA. Það er ótrúlega próteinríkt og klikkað gott.

Kvöldmatur

Kjúklingur eða fiskur í ofni með grænmeti, fetaosti og einhvers konar kolvetnum eins og byggi, hrísgrjónum eða sætum kartöflum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 2 vikum

Þetta borðar Stjörnu-Sævar á venjulegum degi

Þetta borðar Stjörnu-Sævar á venjulegum degi
Matur
Fyrir 3 vikum

Fylltar paprikur að hætti Kristínar Björgvins

Fylltar paprikur að hætti Kristínar Björgvins
Matur
Fyrir 4 vikum

Fljótlegur og hollur tælenskur réttur – Fullkominn mánudagskvöldverður

Fljótlegur og hollur tælenskur réttur – Fullkominn mánudagskvöldverður
Matur
14.03.2021

Þetta borðar Siggi Gunnars á venjulegum degi

Þetta borðar Siggi Gunnars á venjulegum degi
Matur
27.02.2021

Þetta borðar Rikki G á venjulegum degi

Þetta borðar Rikki G á venjulegum degi
Matur
27.02.2021

Fullkomin fermingarterta er minna mál en þig grunar – uppskrift

Fullkomin fermingarterta er minna mál en þig grunar – uppskrift
Matur
12.02.2021

Michelle Obama stýrir matreiðsluþáttum á Netflix

Michelle Obama stýrir matreiðsluþáttum á Netflix
Matur
11.02.2021

Kæfan sem allir eru að tala um – „Ég græt alltaf smá þegar ég borða kæfuna hennar systur minnar“

Kæfan sem allir eru að tala um – „Ég græt alltaf smá þegar ég borða kæfuna hennar systur minnar“