Fitness áhrifavaldurinn Stephanie Joshi, betur þekkt sem Nutty Foodie Fitness, deilir tveimur myndum af sér á Instagram.
Á fyrri myndinni er hún með mjög sýnilega og skorna kviðvöðva en á þeirri seinni er magi hennar uppblásinn. Hún útskýrir hver munurinn á þessum tveimur myndum er, og það gæti komið þér á óvart.
https://www.instagram.com/p/CAf8M-vhway/
Stephanie segir að hún sé ekki ólétt né með einhvern sjúkdóm sem valdi því að magi hennar blási svona upp, heldur sé munurinn á myndunum fimm máltíðir. Á fyrri myndinni er Stephanie ekkert búin að borða en á þeirri seinni hefur hún borðað fimm máltíðir yfir daginn.
Fjöldi fylgjenda hennar hafa tekið þessari færslu fagnandi. Það eru yfir hundrað jákvæð ummæli við myndina og hafa um 20 þúsund manns líkað við hana.
„Ég elska þig, og þetta. Í alvöru. Þú hefur hjálpað mér svo mikið varðandi átröskun mína,“ segir einn fylgjandi.
„Þetta hefur látið mér líða svo miklu betur varðandi magann minn,“ segir annar.
„Elska þetta svo mikið og tengi mikið við þetta,“ segir ein kona.