Þjálfarinn Jillian Michales gefur ráð til að vinna gegn hungri og matarlyst á YouTube-síðu sinni. Jillian er þekktust fyrir að vera þjálfari í raunveruleikaþáttunum The Biggest Loser. Hún hætti eftir tíu ára þátttöku árið 2014.
Hún heldur úti vinsælli YouTube-síðu þar sem hún deilir æfingamyndböndum og ýmsum ráðum tengdum heilsu og næringu.
Í nýlegu myndbandi gefur hún áhorfendum ráð til að vinna gegn hungri. Hún spyr áhorfendur hvort að um raunverulegt hungur sé að ræða eða bara einhverja snarl-þörf.
Hún segir að fólk ætti að spyrja sig að þessu þegar það finnur fyrir hungri.
„Langar þig í kalkúnasamloku, kjöt eða egg? Eitthvað sem er ekki salt eða sætt. Ertu með lyst fyrir því? Ef ekki þá langar þig líklegast bara í eitthvað (e. craving) en ert ekki komin/n með matarlyst,“ segir Jillian.
Hún gefur fleiri ráð í myndbandinu hér að neðan.