Kristín Linda Sveinsdóttir, sölustjóri Sölufélags garðyrkjumanna greinði frá áhugaverðum upplýsingum í samskiptum við DV, er vörðuðu sölu á grænmeti.
Hún greindi frá því að nú væri skortur á grænmeti hér á landi, en það væri misjafnt eftir tegundum, um árstíðarbundnar sveiflur væri að ræða. Kristín sagði að verðið væri jafnframt svipað og í fyrra.
Kristín deildi einnig eftirfarandi plaggi með DV, en það getur nýst vel í matarinnkaupum. Um er að ræða matardagatal sem sýnir hvaða grænmeti fæst í hvaða mánuðum.
Þegar að Kristín var spurð út í hvort að mögulegt væri að auka afköstin í ár svaraði hún:
„Já bændur hjá SFG ætla að auka afköstin í allri útirækt í ár hvað mest þeir geta. Vonum bara að veðrið verði okkur öllum hagstætt eins og það var í fyrra. Einnig er verið að byggja ný gróðurhús til ræktunar á gúrkum og tómötum sem dæmi. Vonandi förum við að fá uppskeru úr þeim húsum upp úr áramótum ef allt gengur eftir.“
Á árinu 2019 var metsala í blómkáli og spergilkáli. Sala á því síðarnefnda jókst um 130%. Þá þótti sala á gulrótum einnig mjög góð. Mest seldist af tómötum, gúrkum og kartöflum.
1000 tonn af tómötum
1400 tonn af gúrkurm
1450 tonn af kartöflur
Um 6.000 tonn af græmeti á ári seljast að jafnaði í gegnum Sölufélag garðyrkjumanna.