fbpx
Föstudagur 07.ágúst 2020
Matur

Átta ástæður fyrir því að kaffineyslan geri þér gott

DV Matur
Sunnudaginn 5. apríl 2020 09:33

Ekki missa af Helstu tíðindum dagsins í pósthólfið þitt

Lesa nánar

Kaffi er vafalaust einn vinsælasti drykkur veraldar. Margir vilja meina að það sé allra meina bót, á meðan aðrir hafa óbeit á því og telja það óhollt. Hvorn flokkinn sem þú fellur í, birtum við hér átta góðar og gildar ástæður fyrir því að þú ættir að drekka kaffi.

1. Léttir lundina

Ef þú er morgunfúll eða ferð illa sofinn á fætur eru góðar líkur á því að kaffisopi geti fengið þig til að líða betur. Æ fleiri rannsóknir renna stoðum undir það að kaffi auki dópamínframleiðslu í heilanum. Samkvæmt einni rannsókn eru konur sem drekka yfir 4 bolla á dag í 20% minni hættu á að verða þunglyndar.

2. Heldur aftur að sykursýki

Þeir sem neyta talsverðs magns af kaffi daglega eru í minni hættu á að þróa með sér tegund tvö af sykursýki en þeir sem koma ekki nálægt drykknum. Samkvæmt rannsókn frá Harvard Medical School er þetta vegna þess að kaffi inniheldur efni sem lækka blóðsykurinn.

3. Verndar hjartað

Tveir eða fleiri bollar á dag geta minnkað líkurnar á hjartaáfalli. Samkvæmt sumum heimildum er fólk sem drekkur fjóra eða fleiri bolla á dag í 11% minni hættu á að fá hjartaáfall.

4. Bætir hreyfihæfni Parkinsonssjúklinga

Rannsóknir hafa sýnt fram á það að koffínið í kaffi hjálpi fólki sem þjáist af sjúkdómnum að stýra hreyfingum sínum. Þá hefur líka verið sýnt fram á að há koffíninntaka minnki líkurnar á sjúkdómnum yfirleitt.

5. Kemur í veg fyrir myndun gallsteina

Ef þú ert ákafur kaffiunnandi, nýtur þess að bragða reglulega á víni, leggur þér oft fisk til munns eða borðar brauð öllum stundum gætirðu verið að fyrirbyggja gallsteinamyndun á þess að vita af því!

6. Leikur í lyndi við lifrina

Já, þú heyrðir rétt – kaffið og lifrin eru mestu mátar. Rannsókn á 125.000 manns leiddi í ljós að þeir sem drykkju að minnsta kosti einn kaffibolla á dag yfir 22 ára tímabil væru í 20% minni hættu á að þróa með sér skorpulifur. Óhófleg áfengisneysla veldur sjúkdómnum en ef kaffi er drukkið með gæti það unnið á móti.

7. Minnkar sjálfsvígshættu

Rannsókn sem gerð var á vegum Harvard School of Public Health leiðir líkur að því að þeir sem drekka 2-4 bolla á dag séu í 50% minni hættu á að stytta sér aldur – og gildir það um bæði kynin. Þetta á að stafa af meintri hjálp drykkjarins gegn þunglyndi.

8. Kaffi bætir íþróttaframmistöðu þína

Í skýrslu frá New York Times segir að vísindamenn hafi löngum vitað að kaffibolli geti komið þér í gang fyrir ræktina. Sérstaklega ef æfingarnar reyna á úthald, eins og spinning og skokk. Í skýrslunni segir að „koffínið í drykknum auki fjölda fitusýra í blóðrásinni sem leiði til þess að vöðvar íþróttamannsins hafa meira til að brenna og halda því út lengur.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Matur
30.06.2020

Bjóðið fráskildum vinum ykkar í mat

Bjóðið fráskildum vinum ykkar í mat
Matur
27.06.2020

Bestu brönsstaðir borgarinnar – Þessir þykja skara fram úr

Bestu brönsstaðir borgarinnar – Þessir þykja skara fram úr
Matur
23.06.2020

Þetta er næst versta pítsaáleggið á eftir ananas segir Guðni Th.

Þetta er næst versta pítsaáleggið á eftir ananas segir Guðni Th.
Matur
22.06.2020

Eitt furðulegasta tilboðið á Íslandi – 50% afsláttur ef þú uppfyllir eitt skilyrði

Eitt furðulegasta tilboðið á Íslandi – 50% afsláttur ef þú uppfyllir eitt skilyrði
Matur
08.06.2020

Svona leit McDonalds út á níunda og tíunda áratugnum

Svona leit McDonalds út á níunda og tíunda áratugnum
Matur
07.06.2020

Þetta borðar Edda Hermanns á venjulegum degi

Þetta borðar Edda Hermanns á venjulegum degi
Matur
02.06.2020

Skerðu vatnsmelónuna á skotstundu með tannþræði

Skerðu vatnsmelónuna á skotstundu með tannþræði
Matur
01.06.2020

Fimm ráð sem gera þig að betri grillara

Fimm ráð sem gera þig að betri grillara