Einfaldur og góður kjúklingaréttur sem er fljótlegur í undirbúningi.
Fyrir 4-5 manns
Hráefni:
6 stk. kjúklingabringur
1 stk. hvítlaukur
20-25 stk. ólífur
4-5 stk. beikonsneiðar
5-6 stk. sólþurrkaðir tómatar (má
vera meira ef fólk vill)
Handfylli af spínati
½ dl rjómi
Rifinn ostur að vild
1 tsk. smjör
Aðferð:
- Byrjað er á að skera mjög smátt niður ólífur, hvítlauk, beikonsneiðar og sólþurrkaða tómata.
- Steikið ásamt spínatinu á pönnu. Gott er að setja ca. 1 tsk. smjör saman við.
- Kjúklingabringurnar kryddaðar með salti og pipar, steiktar á pönnu 2-3 mínútur á hvorri hlið til að loka þeim.
- Setjið bringurnar í eldfast mót og inn í ofn í 25 mínútur á um 180 gráður, undir- og yfirhita.
- Takið kjúklinginn úr ofninum og hellið hráefnunum (ólífu- og spínatblöndunni) sem búið var að steikja á pönnu yfir bringurnar ásamt því að hella rjóma yfir þær.
- Stráið svo rifnum osti yfir.
- Setjið aftur í ofninn og eldið í um 15-20 mínútur í viðbót eða þar til kjúklingabringurnar eru tilbúnar.
- Á meðan kjúklingabringurnar eldast er tilvalið að sjóða hrísgrjón eða setja hvítlauksbrauð í ofninn. Gott salat klikkar einnig seint.
