fbpx
Sunnudagur 05.apríl 2020
Matur

„Vodkinn okkar er ekki handspritt“

Kristján Kristjánsson
Mánudaginn 9. mars 2020 17:00

Mynd:Titosvodka.com

Ekki missa af Helstu tíðindum dagsins í pósthólfið þitt

Lesa nánar

Óttinn við COVID-19 hefur náð til Bandaríkjanna og hefur fólk gripið til ýmissa ráðstafana til að vernda sig og sína fyrir smiti. Sumir hafa gripið til ansi óvenjulegra ráða við sótthreinsun handa sinna. Það hefur orðið til þess að vodkaframleiðandinn Tito‘s, sem er með höfuðstöðvar í Austin í Texas, hefur sent frá sér aðvörun til almennings um að það dugi ekki að nota vodka sem handspritt.

„Samkvæmt ráðleggingum yfirvalda þarf handspritt að innihalda að minnsta kosti 60 prósent alkóhól. Tito‘s Handmade Vodka inniheldur aðeins 40 prósent alkóhól og uppfyllir því ekki ráðleggingar yfirvalda.“

Skrifaði fyrirtækið á Facebook að því er segir í frétt CNN.

Með þessu var fyrirtækið að bregðast við ummælum manns sem stærði sig af að nota vodka frá Tito‘s sem handspritt. Aðrir hafa prófað sig áfram við framleiðslu á eigin handspritti, til dæmis með því að blanda vodka og aloe vera saman.

Að sögn bandarísku smitsjúkdómastofnunarinnar er þetta þó ekki snjallt, jafnvel þótt handspritt sé uppselt. Stofnunin mælir frekar með að fólk þvoi hendur sínar oft og almennilega, í minnst 20 sekúndur í hvert sinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 1 viku

Þetta er maturinn sem fólk kaupir ekki í heimsfaraldrinum

Þetta er maturinn sem fólk kaupir ekki í heimsfaraldrinum
Matur
Fyrir 1 viku

Stjörnukokkur látinn úr COVID-19 – „Þetta er mikill missir“

Stjörnukokkur látinn úr COVID-19 – „Þetta er mikill missir“