Vantar þig einfalt en skemmtilegt verkefni til þess að brjóta upp daginn? Langar þig í kaffi? Áttu sykur og instant kaffi í búrskápnum?
Þá uppfyllirðu öll skilyrðin til þess að halda áfram með að búa til kraftaverkakaffifroðu! Þessi kaffidrykkur hefur verið gríðarlega vinsæll á samfélagsmiðlum undanfarið, sérstaklega TikTok.
Til þess að búa til þessa silkimjúku, glansandi og fallegu kaffifroðu þarf einungis þrjú innihaldsefni.
Ekkert annað!
Og samsetningin gæti ekki verið einfaldari. Hlutföllin eru einfaldlega 1/1/1 sem þýðir að þú mælir jafnt magn af vatni, sykri og skyndi kaffi.
Emmy, sú sem heldur úti YouTube rásinni emmymadeinjapan gefur upp þessa uppskrift í myndbandi sínu.
Svo einfaldlega þeytirðu innihaldsefnin saman þar til úr verður dásamleg kaffifroða sem þú getur t.d. sett ofan á heita eða ískalda mjólk, borðað með súkkulaðiköku eða hverju sem þér dettur í hug.
Einfaldast er að nota handþeytara eða þeyta í hrærivél, en ef þú átt hvorugt, eða vilt eyða nokkrum kaloríum áður en þú dýfir andlitinu ofan í þessa dásemd, þá er að sjálfsögðu hægt að þeyta með venjulegum þeytara.
Emmy prófaði einnig aðra aðferð til að búa til kaffifroðuna þar sem hlutföllin voru öðruvísi. Froðan verður sætari og þar notar hún ísvatn í stað heita vatnsins.
Aðferðin er sú sama.