Kokkurinn Floyd Cardoz lést á miðvikudaginn síðasta úr COVID-19 sjúkdómnum. Hann var 59 ára að aldri. Gabb var lagður inn á sjúkrahús í New Jersey viku áður og var í kjölfarið greindur með COVID-19.
Floyd leyfði fylgjendum sínum á Instagram að fylgjast með og sagði í einni færslu vera „mjög áhyggjufullur um heilsufar sitt.“
Floyd fæddist á Indlandi en flutti til New York til að vinna á veitingastöðum þegar hann var kominn á fullorðinsár. Hann opnaði indverska veitingastaðinn Tabla árið 1997 í félagi við Danny Meyer og varð staðurinn fljótt einn sá virtasti í New York. Hann opnaði síðan staðina North End Grill, Paowalla og Bombay Bread Bar, einnig í New York. Nýlega opnaði hann staðina Bombay Canteen og Bombay Sweet Shop í Mumbaí á Indlandi.
Floyd keppti einnig í kokkakeppninni Top Chef Masters á sjónvarpsstöðinni Bravo árið 2011 og bar sigur úr býtum. Kynnir Top Chef-þáttanna, Padma Lakshmi, minnist Floyd í færslu á Instagram.
„Hann var með kankvíst bros, meðfædda þörf til að gleðja aðra og yndislega nærveru,“ skrifar hún. „Þetta er mikill missir, ekki aðeins fyrir matarheiminn heldur fyrir Indverja alls staðar.“
