Helgi Hrafn Gunnarsson, þingmaður Pírata, varpaði sprengju á Twitter í gær.
Hann ákvað eftir ráðum Áslaugar Örnu og Víðis Reynissonar og tala um eitthvað annað en kórónuveiruna, og tala um hamborgara. Eða réttara sagt, segja hvað honum finnst alls ekki eiga að fara á hamborgara.
„Ég er til dæmis þeirrar (réttu) skoðunar að tómatur eigi ekki heima á hamborgara. Í alvöru, hann passar ekkert inn í. Þetta er bara eins og að setja sinnep út á kókópöffs. Hvað er að fólki? Hver setur sinnep á kókópöffs?“
Tek undir með @aslaugarna og @VidirReynisson.
Ég er til dæmis þeirrar (réttu) skoðunar að tómatur eigi ekki heima á hamborgara. Í alvöru, hann passar ekkert inn í. Þetta er bara eins og að setja sinnep út á kókópöffs. Hvað er að fólki? Hver setur sinnep á kókópöffs? https://t.co/7NXS4yPJWE
— Helgi Hrafn Gunnarsson (@helgihg) March 22, 2020
Twitter-færsla Helga hefur vakið athygli og er óhætt að segja að það eru ekki margir með honum í liði.
Ólafur nokkur sakar þingmanninn um rasisma gegn tómötum.
„Eins basic original classic hamborgari sem til er, er svona: Majónes, tómatsósa, kálblað, tómatur, súr gúrka. Ert að tala gegn hamborgarasögunni með þessum tómat-rasisma!“ Segir hann.
Ásta Guðrún Helgadóttir, fyrrverandi þingmaður Pírata, segir:
„Stundum þá er ég bara svo alveg gjörsamlega ósammála þér að hálfa væri nóg.“
Einn segir að: „Búllu borgari án tómata er hneyksli.“
Patti er ósammála Helga Hrafni og segir að hann „myndi frekar setja sinnep út á kókópöffsið mitt heldur en að sleppa tómatinum á hamborgarann.“
Svo er það hann Oddur sem segir bara: „Fokkings crazytalk.“