fbpx
Þriðjudagur 19.janúar 2021
Matur

Jólamöndlur hjúpaðar með kanil og karamellu

Guðrún Ósk Guðjónsdóttir
Miðvikudaginn 9. desember 2020 12:30

Júlía Magnúsdóttir. Mynd/Lifðu Til Fulls

Ekki missa af Helstu tíðindum dagsins í pósthólfið þitt

Lesa nánar

Júlía Magnúsdóttir, heilsumarkþjálfi hjá Lifðu Til Fulls, deilir hér gómsætri uppskrift að hollu jólasnarli.

„Það kemur mér alltaf í jólaskap að rölta um bæinn yfir hátíðirnar og finna dásamlega ilminn af ristuðum möndlum með kanil. Nú má sannarlega koma með þennan jólailm heim með þessum sykurlausu kanilhjúpuðum möndlum. Þær gefa ljúfan karamellukeim sem kemur skemmtilega á óvart með kanilbragðinu og gerir möndlurnar að ómótstæðilegu jólasnarli,“ segir Júlía.

„Það er einfalt að gera þessa uppskrift og getur þú horft á örstutt myndband með mér til að sýna þér hvernig á að fara neðst í greininni. Ég nota steviu sem sætugjafa í uppskriftina sem gerir möndlurnar að algjörlega sykurlausu snarli! Einnig má nota aðra náttúrúlega sætugjafa eins og kókospálmasykur eða hlynsíróp.“

Mynd/Lifðu Til Fulls

Jólamöndlur hjúpaðar með kanil og karamellu

Þessar færa ilminn af jólum sannarlega heim.

Hráefni:

1/2 bolli vatn

2 msk kókospálmasykur/strásykur (ég notaði frá sweet like sugar hér)

2 tsk kanil

1 tsk stevia með karamellubragði*

Salt

1/4 tsk múskat

1/2 bolli möndlur

*Einnig má nota 1 msk hlynsíróp og nokkra dropa af vanillu en karamellubragðið frá steviunni er ómissandi.

Aðferð

  1. Hitið pönnu og fáið upp góðan hita.
  2. Bætið u.þ.b. 1/2 bolla af vatni út pönnuna, eða sem nemur botnfylli á hana og hitið í smástund.
  3. Bætið við sætugjafa og öllu nema möndlum. Hrærið þar til byrjar að sjóða á pönnunni.
  4. Bætið næst möndlum við og hrærið stöðugt í við miðlungshita í 10-15 mín. eða þar til vatnið hefur gufað alveg upp og þess í stað myndað karamelluáferð um möndlurnar. Varist þó að brenna möndlurnar ekki og bætið við vatni ef þarf.
  5. Leggið möndlurnar á bökunarpappír og leyfið að kólna í 2 klst. a.m.k.
  6. Njótið sem hátíðlegt snarl!

Uppskriftin birtist fyrst á LifðuTilFulls.is. Júlía verður með ókeypis netfyrirlestur á næstu dögum sem má lesa nánar um hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
12.12.2020

Þetta borðar Birgitta Haukdal á venjulegum degi

Þetta borðar Birgitta Haukdal á venjulegum degi
Matur
11.12.2020

Jóladöðlugott sem tryllir bragðlaukana

Jóladöðlugott sem tryllir bragðlaukana
Matur
25.11.2020

Gómsæt þakkargjörðarmáltíð – Fylltir kalkúnaleggir, sætar kartöflur og trönuberjasulta

Gómsæt þakkargjörðarmáltíð – Fylltir kalkúnaleggir, sætar kartöflur og trönuberjasulta
Matur
24.11.2020

Lágkolvetnamorgunverður Ágústu – „Ég mæli með að þú prófir“

Lágkolvetnamorgunverður Ágústu – „Ég mæli með að þú prófir“